Fesoasoani ia i Latou e Faaaogā le Tusi o le Talavou
1 E tuuina atu e la tatou galuega talaʻi i tagata le avanoa e faalogo ai i “upu e ola ai” o le Afioga a le Atua, le Tusi Paia. (2 Timo. 1:13) Ae ina ia faasaoina i latou mai “le puapuaga tele,” e tatau foi ona latou gaoioi e tusa ai ma na upu. (Faaa. 7:14) O loo aafia ai ola! O lea, ia faamautinoa lou toe asia o i latou o ē na uluai faaalia le naunau i se tasi o taulimaga na e faaaogā i lenei masina.
2 Afai na e tuua le tusi o le “Talavou,” atonu e te faapea atu:
◼ “O se mea lelei le toe feiloai ma oe. I le taimi mulimuli na ta talanoa ai, sa ta talanoa i nisi o faafitauli ua fesagai ma tagata talavou i aso nei, ma na ou tuua ia te oe se lomiga o loo faamatalaina ai le auala e mafai ona fesoasoani ai le Tusi Paia ia i latou. Ou te fiafia e faaalu ni nai minute e faamatilatila ai ni manatu o loo taʻu mai e le Tusi Paia ia i tatou, e faatatau i le mea e mafai ona fesoasoani i ē talavou i o tatou taimi.” Ona suʻe lea i se mataupu talafeagai e mafai ona e faaaogā e amata ai se suesuega faale-Tusi Paia i aiga.
3 Afai e te feiloai i se tagata talavou i le uluai asiasiga pe i le toe asia, e mafai ona e taʻua se mea faapenei:
◼ “Pe faatagaina oe e ou mātua e filifili mea e te faitau i ai?” Afai o le tali e ioe, e mautinoa la o le a fetaui le ofoina o le tusi o le Talavou. Afai o le tali e leai, e mafai ona tatou faamatala le fuafuaga o le tusi ma ofo e te toe asiasi atu e talanoa i se tasi o mātua, pe afai e lē o iai i laua i le fale i le taimi lena.
4 Ua ia te outou le au talaʻi talavou se avanoa lelei faapitoa. Tou te iloa lelei faafitauli ma fesili a talavou. Ua outou iloa foi le tāua o le tusi o le Talavou i le foiaina o nei faafitauli ma le taliina o nei fesili. O lea, ia faaaogā lelei avanoa e talanoa ai i au aumea i aʻoga, talavou i lou tuaoi, ma tauaiga, e vaai pe mafai ona e fesoasoani ia i latou ma ia faailoa atu ia i latou le tele o lou talisapaia o le tusi o le Talavou.
5 Afai sa na ona fiafia le tagata e faalogo, atonu e uigā atu lenei:
◼ “Sa ou fiafia tele i la ta talanoaga talu ai e faatatau i faafitauli o loo fesagai ma tagata talavou. Ua ou toe foi mai, ona ou te fiafia e faamatala ia te oe le auala e mafai ai e le Tusi Paia ona fesoasoani i le faaleleia o le olaga o o tatou aiga i nei aso faigata.” Ona faasino lea i le sāvali Olioli i le Olaga Faaleaiga ma talanoa nisi o mataupu silisili faale-Tusi Paia o loo maua i le itulau e 4 ma le 5.
6 Talosia ia uunaia oe, ona o lou faanaunauga e fesoasoani i ē talavou, e faia toe asiga i ē naunau. Fesoasoani ia i latou e gaoioi e tusa ai ma le feau matuā tāua i le tusi o le Talavou. Manatua, o nei le taimi mo tagata uma ina ia gaoioi ai, e tusa pe laitiiti pe matua!