Le Tala e Fai Atu e Uiga i Mekasini

Le Olomatamata Fepu. 1

“Ua iai se popolega tele e faatatau i le faaleagaina o le siʻosiʻomaga. Ae pe sa e tau manatu i le tulaga o le faaleagaina o le mafaufau lava ia? [Tuu le avanoa mo se tali.] Ua faamamafa mai e le Tusi Paia le tāua o le mamā faaletino ma le faaleagaga. [Faitau 2 Korinito 7:1.] Ou te mautinoa o le ā e iloaina le fesoasoani ma le aogā o nei faamatalaga.”

Awake! Fepu. 8

“E mautinoa ua e vaai i le tulaga masani o loo iai faaipoipoga e amata i le fiafia, ae o le tele lava ua iʻu ina malepelepe. Ou te fiafia ai e tuuina le lomiga lenei o le Awake! mo oe, auā o loo talanoaina ai le manatu o le Tusi Paia i le auala e tumau ma fiafia ai se faaipoipoga.”

Le Olomatamata Fepu. 15

“Pe sa e tau manatu i se auala e sili ona lelei e taʻitaʻia ai lou olaga ma faia ai ni filifiliga atamai ma aogā? [Tuu le avanoa mo se tali.] O nisi o taʻiala sili ona lelei, e pei o le Tulafono Faaauro, o loo maua lea i le Tusi Paia. [Faitau Mataio 7:12.] O ā isi mataupu silisili tauatua e mafai ona aogā totino mo i tatou? O le a e maua le tali i le mekasini lenei.”

Awake! Fepu. 22

“Atonu ua e mātauina le tele o falefaigaluega ua matuā lē saogalemu lava. Ua iai i le mekasini lenei ia ni fautuaga lelei i le auala e mafai ai ona maua ai le saogalemu i na nofoaga. Ua faaalia ai foʻi faapea e fesootaʻi lo tatou tulaga sologa lelei i le iai o sa tatou vaaiga paleni i galuega faaletino. Faitau i ai.”