Le Tala e Fai Atu e Uiga i Mekasini

Le Olomatamata Iuni 1

“O mea na tutupu talu ai nei ua faapogai ai ona taumanatu le toʻatele pe aiseā ua oo ai i tagata amiolelei le oti faafuaseʻi. Pe na e manatunatu i le pogai ua māfua ai ona maliliu tagata? [Tuu le avanoa mo se tali, ona suʻe lea i le siata o loo i le itulau e 7.] Pe e te finagalo e vaai po o le ā o loo fai mai ai le Tusi Paia e faatatau i se tasi o nei talafatu masani?” Pe afai e mafai, ona faitau lea o se mau o loo faasino mai.

Awake! Iuni 8

“E toʻatele tagata e manatu faapea o lotu ma le faasaienisi e feteenaʻi. E manatu foʻi nisi e lē mafai e se tasi e talitonu i mea faasaienisi ona talitonu i le Atua. O le ā sou taofi i lenei mea? [Tuu le avanoa mo se tali.] Ua talanoaina e le Awake! i se auala e sili ona manino lenei mataupu.”

Le Olomatamata Iuni 15

“Pe e te manatu o le a faaiʻuina ea faafitauli faapenei? [Faitau le uluaʻi faamatalaga o loo sii mai o le mataupu muamua, ona tuu lea o le avanoa mo se tali.] Ua faamautinoa mai e le Afioga faagaeeina iā i tatou faapea o na faafitauli o le a lē toe umi ae faaiʻuina. [Faitau Salamo 72:12-14.] O le lomiga lenei o Le Olomatamata o loo faamatalaina mai ai le auala o le a faataunuuina ai lenei mea.”

Awake! Iuni 22

“Pe e te manatu ea o le a mauaina e tagata uma i le lalolagi se saʻolotoga moni? [Tuu le avanoa mo se tali.] Seʻi mātau mai le folafolaga matagofie lenei a le Atua. [Faitau Roma 8:21.] Ina ia faataunuu moni lea folafolaga, e tatau la ona faaiʻuina tulaga pologa uma o loo iai, a ea? Ua faaalia mai e le lomiga lenei o le Awake! le auala o le a faia ai faapea.”