Polokalame o le Vitiō i le DVD

O le DVD, Transfusion Alternatives—Documentary Series o loo aofia ai polokalame vitiō e tolu. Ua fuafua le Transfusion-Alternative Strategies—Simple, Safe, Effective mo fomaʻi ma tagata aʻoʻoga faafomaʻi, ma e sili atu isi vaaiga faafomaʻi o loo aofia ai na i lo isi polokalame e lua. Ua fuafua faapitoa le Transfusion-Alternative Health Care—Meeting Patient Needs and Rights mo tusitala i mataupu faafomaʻi, tagata faigaluega a le falemaʻi, ma tagata faigaluega mo le lautele, ma faamasino. O loo talanoaina ai le auala e tausia ai manaʻoga tau togafitiga o ē o loo gasegase, ae i le taimi e tasi e amanaʻia ai a latou aiā tatau faaletulafono. O le fuafuaga o le No Blood—Medicine Meets the Challenge e mo tagata lautele. O loo iai i le DVD le vitiō i gagana Iapani, Italia, Falani, Peretania, Potukale (Pasili), Siamani, Sipaniolo ma le Rusia. Ia faailoa atu nei DVD i lau fomaʻi, suʻesuʻega faale-Tusi Paia, lau paaga, ma tagata o aiga e lē o ni Molimau, faiaʻoga, aumea i galuega, faapea ma uō i aʻoga.