Young People Ask—What Will I Do With My Life? (Chikamu 1)
Vechiduku sezvavanokura pane zvisarudzo zvinokosha zvavanofanira kuita. Pakagadzirwa DVD rinonzi Young People Ask—What Will I Do With My Life? iro richavabatsira pakuita zvisarudzo. Mukaenda pakanzi main menu, sarudzai pakanzi Play Drama, uye edzai kupindura mibvunzo iri mundima yakanzi Drama. Kana mapedza, sarudzai pakanzi Interviews pamain menu, mobva masarudza pakanzi Looking Back, uye edzai kupindura mibvunzo iri mundima yakanzi Looking Back.
Drama: (1) Upenyu hwaTimoti hwakafanana papi nehwevechiduku vakawanda vechiKristu mazuva ano? (2) Ndivanaani vaimanikidza Andre kuti aenderere nezvekumhanya, uye vaitaura kuti kudini? (3) Hama Fleissig vakaudza Andre (a) kuti kudii nezvekuzvipira kuna Jehovha uye kuzvipira kumitambo? (Mat. 6:24) (b) kuti kudii nezvekunobva mufaro wechokwadi? (c) kuti ndiro yavaishandisa mumusasa wevasungwa yaivayeuchidzei? (d) kuti kudii nezvevanhu vavainavo papikicha nemudzimai wavo? (e) kuti vaizvidemba here pamusana pokuchinja kwavakaita zvinangwa zvavo? (VaF. 3:8) (4) Mbuya vaAndre vakamupindura sei paakabvunza kuti, “Pane chakaipa here nokuva nomukurumbira wokumhanya?” (Ruka 4:5-7) (5) Kuhwina kwakaita Andre pamakwikwi okumhanya kwakaita kuti afare zvechokwadi here? (6) Chii chinokubaya mwoyo patsamba yaHama Fleissig yavakapedzisira kunyorera Andre? (Zvir. 10:22) (7) Hama Fleissig vakabatsira Andre kuziva chii?
Looking Back: (8) Imwe hama neimwe hanzvadzi vakanga vachida kuitei muupenyu uye nemhaka yei vaida kuita izvozvo? (9) Vakanga vabudirira kusvika papi? (10) Chii chakaita kuti mumwe nomumwe wavo achinje pfungwa dzake? (2 VaK. 5:15) (11) Zvinhu zvipi zvine chokuita nokunamata zvavakazosarudza uye chii chakaita kuti vaone kuti hazviiti kuti vaite zvose kunamata nezvenyika? (12) Vanozvidemba here pane zvavakazosarudza? (13) Chii chavakataura chaita kuti iwe ufungisise nezvauchaita noupenyu hwako?
Tapota onai mamwe mainterview nezvakanzi supplementary material, uye gadzirirai kuzotaura nezvazvo pazvichakurukurwa paMusangano Webasa wevhiki inouya.