Ratidza Rudo

Dambudziko

Zvinotora nguva kuti munhu abvise rusarura. Sezvinongoita munhu anenge aine chirwere, zvinotora nguva uye zvinoda kuti ashande nesimba kuti chirwere ichocho chipere. Zvii zvaungaita kuti ubvise rusarura mumwoyo mako?

Zvinotaurwa neBhaibheri

Mapikicha: 1. Murume wekuAsia ari kuvhurira dhoo murume wechitema akabata kofi. 2. Murume uya wechitema ava kunwa kofi nevaanoshanda navo kusanganisira mukadzi wechiIndia watamboona.

“Pfekai rudo, nekuti irwo chisungo chakakwana chekubatana.”—VAKOROSE 3:14.

Zvinorevei? Kuitira vamwe vanhu zvakanaka kunoita kuti vanhu vabatane. Paunowedzera kuratidza vamwe rudo, pfungwa yerusarura inotanga kupera zvishoma nezvishoma.

Zvaunogona Kuita

Murume wekuAsia ari kuvhurira dhoo murume wechitema akabata kofi. 2. Murume uya wechitema ava kunwa kofi nevaanoshanda navo kusanganisira mukadzi wechiIndia watamboona.

Funga zvaunogona kuita kuti uratidze rudo kuvanhu vaunotarisira pasi. Hazvifaniri hazvo kuva zvinhu zvakakura. Edza kuita chimwe chezvinotevera:

Paunoramba uchivaratidza rudo, kapfungwa kerusarura kanotanga kupera

Ratidza kuti une tsika dzakanaka kuvanhu ivavo nekuvavhurira dhoo kana kuvapa pekugara mukombi kana mubhazi.
Edza kutaura navo kunyange zvazvo vasingakwanisi kunyatsotaura mutauro wako.
Iva nemwoyo murefu kana vakaita zvinhu zvausinganzwisisi.
Vanzwire tsitsi pavanenge vachitaura nezvematambudziko avo.