Zviyeuchidzo zveChirangaridzo

Kuchengetwa kweChirangaridzo kuchava paSvondo, March 23. Vakuru vanofanira kupa ngwariro kuzvinhu zvinotevera:

◼ Mukugadza nguva yemusangano wacho, ivai nechokwadi chokuti zviratidzo hazvizofambiswi kutozosvikira pashure pekudoka kwezuva.

◼ Munhu ari wose, kubatanidza mukurukuri, anofanira kuziviswa nguva chaiyoiyo nenzvimbo nokuda kwekuchengeta kwacho.

◼ Rudzi rwakafanira rwechingwa newaini zvinofanira kuwanwa ndokugadzirirwa.—Onai Nharireyomurindi, yaFebruary 15, 1985, peji 17.

◼ Ndiro, magirazi, uye tafura yakafanira nejira repatafura zvinofanira kuunzwa kuhoro ndokuiswa munzvimbo pachine nguva mberi.

◼ Horo yoUmambo kana kuti imwe nzvimbo yemisangano inofanira kusanocheneswa pachine nguva mberi.

◼ Varindiri nevagoveri vanofanira kusarudzwa uye kurayiridzwa pachine nguva mberi pamusoro pemuitiro wakafanira uye mabasa avo.

◼ Gadziriro dzinofanira kuitwa dzokugovera vapi nevapi vevakazodzwa avo vari ndonda uye vasingakwanisi kuvapo.

◼ Apo kuchengeta kunopfuura kumwe kunorongwa muHoro yoUmambo imwe cheteyo, panofanira kuva netsinhirano yakanaka pakati peungano kuitira kudzivisa kuwandisa kusiri madikanwa mukamuri rekumirira, suo, panofambwa navose, uye munzvimbo yekupaka.