Zvokutaura Maererano Nemagazini

Nharireyomurindi Nov. 15

“Takanzwa mashoko okuti ‘Jesu akatifira.’ [Taura mashoko ari pana Johani 3:16.] Makambozvifunga here kuti rufu rwomunhu mumwe rungatiponesa tose sei? [Rega apindure.] Bhaibheri rinopa mhinduro iri nyore. Nyaya ino inoti, ‘Jesu Anoponesa—Sei?,’ inoutsanangura zvakajeka.”

Mukai! Dec. 8

“Vanhu vari kuita zvose zvavanokwanisa kuchengetedza zvakasikwa here? [Rega apindure.] Vakawanda havana chokwadi kana zvinhu zvipenyu zvichizoramba zvichitsigirana kuti upenyu pasi pano hurambe huripo nokusingaperi. Zvinofadza kuti Mwari anonyatsofarira. [Verenga Nehemia 9:6.] Mukai! ino inotaura zviri munguva yemberi nokuda kwoupenyu pasi pano.”

Nharireyomurindi Dec. 1

“Nguva ino yegore, vanhu vakawanda vakabatikana kupanana zvipo nokuitirana mamwe mabasa omutsa. Izvozvo zvinoita kuti tifunge nezvokuitira vamwe zvaunoda kuti vakuitire. [Verenga Mateu 7:12.] Munofunga kuti zvinobvira here kurarama tichitevera izvozvo gore rose? [Rega apindure.] Magazini ino inoita kuti tifunge zvakawanda nezvokuti ‘Kuitira Vamwe Zvaunoda Kuti Vakuitire—Kuchiri Kushanda Here?’”

Mukai! Dec. 8

“Bhaibheri rinopikira kuti rimwe zuva hapana munhu achazoti, ‘Ndinorwara.’ [Verenga Isaya 33:24.] Maererano nechipikirwa ichocho, magazini ino yeMukai! inotaura nezvechirwere chinotambudza mamiriyoni evanhu, vaduku nevakuru. Ine musoro unoti ‘Tariro Kune Vaya Vane Hosha yeArthritis.’ Ndine chokwadi chokuti muchaona nyaya idzi kuti dzinodzidzisa.”