Chinhu Chainyanya Kukosha muTebhenekeri

25:9, 21, 22

Areka ndiyo yaiva chinhu chainyanya kukosha mutebhenekeri uye mumusasa wevaIsraeri. Gore raiva pakati pemakerubhi maviri aiva paAreka raimiririra kuvapo kwaMwari. Gore negore paZuva Rekuyananisira, mupristi mukuru aipinda muNzvimbo Tsvenetsvene osasa ropa remukono wemombe nerembudzi pamberi pechekukwidibirisa achiitira zvivi zvevaIsraeri. (Re 16:14, 15) Izvi zvaimiririra zvaizoitwawo neMupristi Mukuru Jesu, paaizoenda pamberi paMwari kudenga achinopa ukoshi hwechibayiro chake.—VaH 9:24-26.

Vhesi imwe neimwe inoenderana nechikomborero chipi?

VHESI

• 1Jo 1:8, 9

• VaH 9:13, 14

• VaR 6:23

MAKOMBORERO

• tariro yekurarama nekusingaperi

• kuregererwa zvivi

• kuva nehana yakachena

Tinofanira kuita sei kuti tiwane makomborero aya?