Tinoda Nyika Yakanaka!
Mukuru mukuru weSangano Renyika Dzepasi Rese, António Guterres, akati: “Tiri kurarama munyika yakazara nematambudziko.” Haufungiwo kudaro here?
Munhau tinogara tichinzwa nezvezvinhu zvinorwadza zvinosanganisira:
Zvirwere nematenda
Njodzi dzinongoitika dzega
Urombo nenzara
Kusvibiswa kwenharaunda uye kusvibiswa kuri kuitwa mhepo, izvo zviri kukonzera kuti kunze kuwedzere kupisa
Kuparwa kwemhosva, kurwisana, uye uori
Hondo
Izvi zvinoratidza kuti tinoda nyika yakanaka, nyika yekuti vanhu vanenge:
Vaine utano hwakanaka
Vakagara zvakanaka vasina chekutya
Vaine zvekudya zvakawanda
Vachigara munharaunda yakanaka uye yakachena
Vachibatwa zvakanaka uye nyaya dzavo dzichitongwa zvakarurama
Vari murunyararo pasina kurwisana
Asi tiri kumborevei patiri kuti nyika yakanaka?
Chii chichaitika kunyika yatiri kurarama mairi?
Tingaitei kuti tizorarama munyika yakanaka?
Magazini ino yeNharireyomurindi, ichatipa mhinduro dzinonyaradza dzinobva muBhaibheri dzemibvunzo iyi nemimwewo.