Zvinhu Zvichakubatsira Kuti Uverenge Bhaibheri Mazuva Ese

Unombowandirwa nezvekuita here zvekuti unotadza kuwana nguva yekuverenga Bhaibheri mazuva ese? (Josh. 1:8) Kana zvakadaro, imboedza kushandisa mazano ari pasi apa:

• Tsvaga chinhu chinokuyeuchidza. Unogona kuisa aramu inozorira kana nguva dzako dzekuverenga Bhaibheri dzakwana.

• Isa Bhaibheri rako pachena. Kana uchishandisa Bhaibheri rakaprindwa, ita kuti rigare panzvimbo yaunogara uchiriona mazuva ese.—Dheut. 11:18.

• Teerera Bhaibheri rakarekodhwa. Teerera Bhaibheri rakarekodhwa paunenge uchiita mabasa ako. Izvi ndizvo zvinoitwa nevamwe amai vanonzi Tara. Tara anopayona uye anoenda kubasa manheru. Anoti: “Chiri kundibatsira kuti ndiverenge Bhaibheri mazuva ese ndechekuti ndinoteerera Bhaibheri rakarekodhwa pandinenge ndichiita mabasa angu epamba.”

• Usarega kuverenga. Kana pakaitika zvimwe zvinhu zvinokutadzisa kuita zvaunenge wakaronga, unogona kuverenga kunyange mavhesi mashomanana usati warara. Kunyange ukaverenga mavhesi mashomanana zuva rega rega, zvinotokubatsira.—1 Pet. 2:2.