Nyika Yakanangepi?

GORE ra2017 rakatanga nemashoko anosuruvarisa akataurwa nenyanzvi dzesainzi. Muna January rimwe boka renyanzvi idzi rakati nyika yava pedyo nekuparara. Vane wachi yavanoti Doomsday Clock iyo inoratidza kuti nyika yava pedyo zvakadii nekuparara uye vakaiendesa mberi nemasekonzi 30. Iye zvino yasarirwa nemaminitsi maviri nehafu kuti nyika yese iparare uye izvi hazvisati zvamboitika mumakore anopfuura 60 adarika!

Muna 2018, vari kuronga kuongorora zvekare kuti nyika yava pedyo zvakadii kuparara. Nguva iri pawachi yacho ichatowedzera kufamba here? Iwe unofungei? Nyika yakanangepi? Unogona kuona sekuti mubvunzo iwoyo wakaoma. Kunyange nyanzvi dzinoongorora nezvenyaya iyi hadzibvumirani pachadzo. Havasi vanhu vese vanoti nyika ichaparara.

Kunotova nemamiriyoni evanhu anoti ramangwana rakajeka. Vanoti pane umboo hunoratidza kuti vanhu uye nyika hazvisi kuzoparara uye upenyu huchatowedzera kunaka. Zvavanotaura ndezvechokwadi here? Nyika yakanangepi?