BIBLIOTEKA ONLINE Watchtower
Watchtower
BIBLIOTEKA ONLINE
shqip
Ë
  • Ë
  • ë
  • Ç
  • ç
  • BIBLA
  • BOTIME
  • MBLEDHJE
  • be mësimi 51 f. 263-f. 264
  • Koha e llogaritur mirë, e ndarë siç duhet

Nuk ka video për këtë zgjedhje.

Na vjen keq, ka një problem në ngarkimin e videos

  • Koha e llogaritur mirë, e ndarë siç duhet
  • Të nxjerrim dobi nga arsimimi në Shkollën e Shërbimit Teokratik
  • Material i ngjashëm
  • Përfundimi i përshtatshëm dhe kohëmatja
    Si të përmirësosh të folurin dhe mësimdhënien tënde
  • Kutia e pyetjes
    Shërbimi ynë i Mbretërisë—2004
  • Përgatitja e fjalimeve për kongregacionin
    Të nxjerrim dobi nga arsimimi në Shkollën e Shërbimit Teokratik
  • Përgatitja e fjalimeve të stërvitjes për shkollën
    Të nxjerrim dobi nga arsimimi në Shkollën e Shërbimit Teokratik
Shih më tepër
Të nxjerrim dobi nga arsimimi në Shkollën e Shërbimit Teokratik
be mësimi 51 f. 263-f. 264

MËSIMI 51

Koha e llogaritur mirë, e ndarë siç duhet

Çfarë duhet të bësh?

Mbaje fjalimin brenda kohës së caktuar dhe ndaje kohën siç duhet për secilën pjesë të fjalimit.

Pse ka rëndësi?

Secilës prej pikave kryesore të fjalimit i duhet kushtuar kohë e mjaftueshme. Është e rëndësishme që mbledhja të mbarojë në kohë.

NDONËSE rëndësinë parësore duhet t’ia kushtosh cilësisë së mësimdhënies, edhe kohëmatja e fjalimeve meriton vëmendje. Mbledhjet tona janë programuar që të fillojnë dhe të mbarojnë në orare të përcaktuara. Për ta arritur këtë kërkohet bashkëpunimi i gjithsecilit që ka pjesë në program.

Në kohët biblike, pikëpamja e njerëzve për jetën ishte e ndryshme nga ajo që kanë njerëzit në shumë vende sot. Koha shprehej me terma të përafërt të tillë, si: «rreth orës së tretë» ose «afërsisht ora e dhjetë». (Mat. 20:3-6; Gjoni 1:39) Rrallë mund të ndodhte që dikush të shqetësohej për kohëmatjen e saktë të veprimtarive të përditshme. Sot, në disa pjesë të botës njerëzit kanë një pikëpamje të ngjashme për kohën.

Megjithatë, edhe sikur për shkak të zakoneve të vendit ose të shijeve personale njerëzit të mos i kushtojnë edhe aq vëmendje kohës, ne mund të nxjerrim dobi duke mësuar t’i kushtojmë asaj vëmendjen e duhur. Kur disa veta janë caktuar për të mbajtur pjesë në program, duhet t’i kushtojnë vëmendje kohës së caktuar për çdo pjesë. Parimi «çdo gjë le të ndodhë siç ka hije dhe me rregull» mund të zbatohet fare mirë edhe për kohëmatjen e caktimeve tona në mbledhje.​—1 Kor. 14:40.

Si të qëndrosh brenda kohës së caktuar? Çelësi është përgatitja. Zakonisht oratorët që kanë probleme me kohëmatjen nuk janë përgatitur aq sa duhet. Mund të jenë tepër të sigurt te vetja ose thjesht e lënë përgatitjen për në minutën e fundit. Kohëmatja e mirë fillon duke pasur çmueshmëri për caktimin dhe dëshirë për t’u përgatitur mirë.

A je caktuar të lexosh? Së pari shqyrto mësimet 4 deri në 7, të cilat flasin për rrjedhshmërinë, pauzat, theksin logjik dhe theksimin e ideve kryesore. Pastaj, zbatoji ato këshilla ndërsa lexon me zë materialin që të është caktuar. Mate vetë kohën. A ke nevojë të lexosh më shpejt për të mbaruar brenda kohës së caktuar? Shpejtoje ritmin në ato pjesë që kanë më pak rëndësi, por vazhdo të përdorësh pauza dhe ritëm më të ngadaltë për të theksuar idetë e rëndësishme. Provo disa herë me radhë. Duke përmirësuar rrjedhshmërinë, do ta kesh më të lehtë ta rregullosh kohën.

A do të flasësh duke përdorur shënime? Për të pasur një kohëmatje të mirë, nuk është e nevojshme të kesh shënime shumë të hollësishme që duken gati si dorëshkrim. Kur punove në mësimin 25, mësove një mënyrë më të mirë. Mbaji parasysh këto pesë pika: (1) Përgatit material të mirë, por të mos ketë tepër. (2) Ki të qarta në mendje idetë kryesore, por mos mëso përmendësh fjali të tëra. (3) Shëno në skemë sa kohë planifikon të përdorësh për secilën pjesë të fjalimit ose sa kohë duhet të ketë kaluar kur të kesh arritur në pika të ndryshme të fjalimit. (4) Gjatë përgatitjes, përcakto cilat hollësi mund të mos përmenden, në qoftë se e sheh që je duke e kaluar kohën. (5) Provoje disa herë fjalimin.

Provat janë të rëndësishme. Ndërsa bën prova, shiko kohën që të merr secila pjesë e fjalimit. Përsërite fjalimin derisa i gjithi të hyjë brenda kohës së caktuar. Mos u përpiq të ngjeshësh brenda tepër material. Lër pak kohë rezervë, pasi mbajtja e fjalimit para një auditori mund të zgjasë pak më shumë sesa kur e provon vetëm.

Ndarja e duhur e pjesëve. Kohëmatja e mirë lidhet ngushtë me ndarjen e duhur të pjesëve në një fjalim. Pjesa më e madhe e kohës duhet përdorur për të zhvilluar trupin e fjalimit, pasi atje gjenden pikat kryesore. Hyrja duhet të jetë e gjatë aq sa mjafton për të arritur tri synimet e trajtuara në mësimin 38. Trupi nuk duhet të jetë aq i gjatë sa të mos ketë kohë të mjaftueshme për një përfundim të efektshëm, në harmoni me mësimin 39.

Përpjekjet e tua për të arritur një kohëmatje të mirë do të bëjnë që fjalimi të dalë më mirë dhe do të tregojnë se ke respekt për të tjerët që kanë pjesë në program, si dhe për të gjithë kongregacionin.

SI TA ARRISH?

  • Përgatitu mirë dhe mjaft kohë më përpara.

  • Cakto një sasi kohe të përshtatshme për secilën pjesë të fjalimit dhe pastaj përmbaju këtij programi.

  • Provoje disa herë fjalimin.

USHTRIM: Planifiko të arrish në mbledhjet e kongregacionit 15 deri në 20 minuta para fillimit, duke caktuar kohë të mjaftueshme për t’u përgatitur ti vetë dhe familja. Llogarit kohën e udhëtimit. Shqyrto se si mund t’i zgjidhësh problemet e zakonshme që të vonojnë. Provoje disa herë këtë plan, duke bërë ndreqjet e nevojshme. Parime të ngjashme zbatohen edhe kur mbahen fjalime.

    Botimet shqip (1993-2025)
    Shkëputu
    Hyr me identifikim
    • shqip
    • Dërgo
    • Parametrat
    • Copyright © 2025 Watch Tower Bible and Tract Society of Pennsylvania
    • Kushtet e përdorimit
    • Politika e privatësisë
    • Parametrat e privatësisë
    • JW.ORG
    • Hyr me identifikim
    Dërgo