Përse të mbajmë një regjistrim të atyre që nuk janë në shtëpi?
1 Një ditë, herët në mëngjes, një çift Dëshmitarësh ishin jashtë në shërbimin në fushë. Më vonë, ata u kthyen për të shkuar tek ata që nuk kishin qenë në shtëpi në atë territor. Një burrë i ftoi ata brenda dhe dëgjoi me vëmendje. Ai mori një libër Të jetosh përgjithmonë dhe i pyeti Dëshmitarët nëse do të ktheheshin. Ai kurrë më parë nuk kishte folur me Dëshmitarët e Jehovait dhe kishte shumë pyetje për të cilat kërkonte përgjigje; nisi një studim biblik. Ky çift ishte tejet i gëzuar që kishte gjetur një individ të tillë ngjashëm deleve. A do të të pëlqente të kishe një përvojë të tillë si kjo? Duke mbajtur një regjistrim të mirë të atyre që nuk janë në shtëpi dhe duke u kthyer menjëherë mund të jetë e mundur që të ndodhë kështu.
2 Ne kemi qenë të nxitur vazhdimisht për të mbajtur një regjistrim të saktë të atyre që nuk janë në shtëpi dhe t’i vizitojmë përsëri sa më shpejt. Siç tregon përvoja e mësipërme, një vizitë tjetër në të njëjtën ditë mund të sjellë rezultate të shkëlqyera. Edhe pse mund të jemi aq të vëmendshëm në mbulimin e territorit të caktuar, ndoshta nuk jemi të kujdesshëm në regjistrimin e atyre që nuk janë në shtëpi. Disa thonë: «Ne e punojmë territorin tonë një herë në çdo dy ose tre javë; nuk ka nevojë të mbajmë një regjistrim të tillë pasi do të kthehemi shumë shpejt në ndonjë mënyrë.» Por kjo na jep edhe më shumë arsye për të mbajtur një regjistrim. Atje ku territori mbulohet shpesh, ndjekja e atyre që nuk janë në shtëpi na mundëson që të jemi më të plotë në kërkimin e atyre që e meritojnë. Përse?
3 Në shumë vende, 50 përqind ose më shumë e banorëve nuk janë në shtëpitë e tyre. Kështu, në të vërtetë, ne mund të marrim më shumë territor në dispozicion, duke u përqendruar më shumë mbi ata që nuk ishin në shtëpi. Edhe nëse territori punohet rrallë, mund të përmirësojmë rezultatet kur përpiqemi për të arritur cilindo përpara se ta dorëzojmë territorin si të punuar.
4 Të vizituarit e atyre që nuk janë në shtëpi, zakonisht mund të jetë planifikuar që të bëhet një ditë tjetër mundësisht brenda një jave. Shumë veta kanë vërejtur se është më mirë për t’u kthyer në një ditë dhe kohë të ndryshme nga vizita fillestare që kemi bërë. Mund të shfrytëzosh ca kohë të shtunën apo të dielën për të ndjekur ata që nuk i ke gjetur në shtëpi gjatë javës. Pastaj, një mundësi tjetër; shumë kongregacione kanë parë se bërja e vizitave të tilla në orët e para të mbrëmjes ka qenë e frytshme. Ata mund të gjejnë më shumë se gjysmën e banorëve në shtëpi.
5 Ti duhet t’i radhitësh rivizitat në shënimet e tua personale. Nëse nuk je në gjendje të kthehesh tek ata që nuk ishin në shtëpi, regjistrimet e tua duhet t’ia japësh vëllait që drejton grupin në shërbim, që t’i përdorë grupi duke shkuar në atë territor.
6 Duke i kushtuar një vëmendje të madhe këtij aspekti të shërbimit tonë mund të rritim prodhueshmërinë dhe gëzimin tonë. Ajo mund të na japë kënaqësinë që vjen nga dijenia se jemi plotësisht në kërkim të personave ngjashëm deleve dhe se kujdesemi për ta.—Ezek. 34:11-14.