Programi i ri i asamblesë speciale njëditore

«Bëni gjithçka për hir të lajmit të mirë», është tema e programit të ri të asamblesë speciale njëditore, duke filluar që nga shtatori. (1. Kor. 9:23) Lajmi i mirë i Mbretërisë është lajmi më i rëndësishëm që dëgjohet sot. Programi do të na ndihmojë të çmojmë privilegjin unik që kemi, për të qenë mbajtës të këtij lajmi të mrekullueshëm. Do të na japë edhe zemër për të vazhduar në shpalljen e lajmit të mirë pa pushim.​—Vep. 5:42.

Programi do të na tregojë se si të përdorim në mënyrë sa më të plotë stërvitjen tonë teokratike, në mënyrë që të mund të kryejmë më të mirën në shërbim. Do të dëgjojmë për disa persona që kanë bërë rregullime për të zgjeruar shërbimin e tyre, duke përfshirë të rinj që po japin më të mirën e tyre për të çuar përpara lajmin e mirë.​—Krahaso Filipianëve 2:22.

Fjalimi kryesor, që do të prezantohet nga një orator i ftuar, do të theksojë nevojën që të mbetemi «të denjë për të na u besuar lajmi i mirë». (1. Sel. 2:4) Do të jemi të ndihmuar për të kuptuar që, nëse duam të mbajmë privilegjin për të ndarë lajmin e mirë me të tjerët, ne duhet që vazhdimisht të përputhemi me kërkesat dhe normat e Perëndisë në mënyrën e të menduarit dhe të sjelljes. Do të nxirren në pah edhe bekimet që marrim duke bërë kështu.

Mos e humbisni këtë program jetësor. Personat e sapodedikuar, të cilët dëshirojnë të pagëzohen në asamblenë speciale njëditore duhet të informojnë menjëherë mbikëqyrësin drejtues. Ftoni të gjithë ata me të cilët studioni për të qenë të pranishëm. Le të lejojmë që Jehovai të na forcojë për të bërë gjithçka për hir të lajmit të mirë dhe të përfundojmë kështu veprën më të madhe që po bëhet, përpara Harmagedonit.