Programi i asamblesë së re qarkore
1 Për të qëndruar të patundur në besim në një botë që ndryshon vazhdimisht, duhet të mbështetemi te Jehovai. Çfarë do të thotë kjo në kuptimin praktik? Si ndikon në jetën tonë dhe në atë të familjes sonë fakti që mbështetemi te Jehovai? Si na ndihmon kjo gjë t’i bëjmë ballë ndikimit të botës së Satanait? Programi i asamblesë qarkore për vitin 2003 u përgjigjet këtyre pyetjeve. Tema është: «Ki besim te Jehovai dhe bëj mirë.»—Psal. 37:3, BR.
2 Besimin te Jehovai nuk e tregojmë vetëm në raste të veçanta ose kur kemi nevojë të ngutshme për ndihmën e tij. Ai përshkon tërë jetën tonë. Kjo theksohet në fjalimin që hap asamblenë: «Të besojmë te Jehovai në çdo kohë.» (Psal. 62:8, BR) Simpoziumi me katër pjesë «Të shfaqim besimin te Jehovai» do të na tregojë se si ta gjejmë e ta zbatojmë informacionin me bazë biblike që mund të na ndihmojë të ndërtojmë një martesë të lumtur, të zgjidhim problemet që lindin në rrethin familjar dhe të plotësojmë nevojat tona materiale.
3 Bota e Satanait përpiqet të na imponojë një pikëpamje të shtrembëruar për atë që është e drejtë dhe e gabuar. Veç kësaj, do që të na ngatërrojë në lidhje me atë që është e rëndësishme dhe e parëndësishme. (Isa. 5:20) Fjalimet «Të shmangim gjërat që s’kanë vlerë në jetë!» dhe «Të largohemi nga e keqja—Të bëjmë atë që është e mirë» do të na bëjnë më të vendosur për t’iu përmbajtur standardeve të larta të Jehovait.—Amo. 5:14.
4 Kur Jehovai t’i japë fund sistemit të tanishëm të lig, shërbëtorëve të Perëndisë do t’u duhet të besojnë plotësisht tek ai. Kjo theksohet në fjalimin publik me temë: «Çlirimi nga vuajtjet e kësaj bote është afër!» Pas kësaj, do të na bëhet ftesa të shqyrtojmë veten në pjesën me titull: «A do të llogaritemi të denjë për Mbretërinë e Perëndisë?» Programi përfundon me nxitjen: «Të besojmë te premtimet e Jehovait!»
5 Një pikë kulmore në çdo asamble është fjalimi i pagëzimit. Kushdo që dëshiron të pagëzohet duhet të flasë sa më shpejt me mbikëqyrësin drejtues që të bëhen rregullimet e nevojshme.
6 Në këto kohë të pasigurta, Jehovai është i vetmi burim i sigurisë dhe i qëndrueshmërisë. (Psal. 118:8, 9) Le ta forcojmë besimin tonë tek ai, duke qenë të pranishëm në të gjithë programin e asamblesë qarkore!