Programi i asamblesë së re qarkore

Ne e dimë se Perëndia Jehova është i denjë për dashurinë dhe devocionin tonë ekskluziv. Megjithatë, bota kërkon të na joshë që të mos kemi më një marrëdhënie të ngushtë me të. (Gjoni 17:14) Që ta bëjmë më të fortë dashurinë për Jehovain dhe që të forcohemi për t’u rezistuar gjërave të botës, të cilat vënë në rrezik gjendjen tonë frymore, programi i asamblesë së re qarkore, për vitin e shërbimit 2001, do të ketë si temë «Të kemi dashuri për Perëndinë​—Jo për gjërat e botës».​—1 Gjon. 2:15-17.

Dashuria e thellë për Jehovain na nxit që të japim dëshmi për të. Megjithatë, shërbimi në fushë nuk është i lehtë për shumë pjesëtarë të popullit të Perëndisë. Në pjesën «Dashuria për Perëndinë na motivon në shërbimin tonë», do të mësojmë se si shumë veta kanë kapërcyer ndrojtjen dhe pengesa të tjera, me qëllim që të marrin pjesë në një masë të plotë në këtë vepër.

Si ndikojnë te ne standardet gjithnjë në rënie të botës? Veprime që më parë konsideroheshin të liga, tani mbahen si një sjellje normale. Fjalimi «Ata që e duan Jehovain urrejnë atë që është e keqe» dhe simpoziumi «Gjërat në botë: Me ç’sy i shohim?» do të forcojnë më tej vendosmërinë tonë për t’u thënë jo dëshirave të gabuara.

Në program do të përfshihet edhe një mbledhje model e Shkollës së Shërbimit Teokratik dhe e Mbledhjes së Shërbimit, e gjithashtu, një përmbledhje e studimit të Kullës së Rojës për atë javë. Fjalimi publik «Si e mundin botën dashuria dhe besimi» do të na inkurajojë të imitojmë Jezuin, ndërsa u rezistojmë presioneve që ushtron kjo botë. (Gjoni 16:33) Të sigurohemi të ftojmë studentët e Biblës që të jenë të pranishëm. Kushdo që dëshiron të pagëzohet, duhet të flasë sa më shpejt që është e mundur me mbikëqyrësin drejtues, që të mund të bëhen rregullimet e nevojshme.

Kjo asamble qarkore, do të na e tërheqë vëmendjen në atë se ku saktësisht duhet të përqendrohet dashuria jonë me qëllim që të gëzojmë bekimet e pasura të Jehovait. Të mos humbim asnjë pjesë të saj!