Programi i ri i asamblesë qarkore
1 Që nga shtatori, tema e asambleve qarkore do të jetë «Dëgjoni dhe mësoni t’i bindeni Fjalës së Perëndisë». Kjo temë, e bazuar në Ligji i përtërirë 31:12, 13, siguron një bazë të përshtatshme për tërë programin për të theksuar mësimet që ne duhet të mësojmë dhe zbatojmë.
2 Meqenëse shumë njerëz sot dëgjojnë shprehje të frymëzuara çorientuese, ekziston një nevojë jetësore për secilin nga ne që të dëgjojë Fjalën e Perëndisë dhe të mësojë për t’iu bindur asaj. (Luka 11:28; 1. Tim. 4:1) Me këtë në mendje, programi i asamblesë qarkore është parapërgatitur për të siguruar inkurajim dhe ndihmë për lajmëtarët, familjet, pleqtë dhe pionierët. Të shtunën në mëngjes, do të mbahet një simpozium me temë «T’u bëjmë ballë problemeve tona, duke i kushtuar vëmendje Fjalës së Perëndisë». Të dielën në mëngjes do të mbahet një simpozium i titulluar: «Në ç’mënyrë Shkrimet disiplinojnë në drejtësi». I tërë programi, do të paraqesë inkurajim frymor që ju dhe familja juaj nuk duhet ta humbni.
3 Si të shtunën edhe të dielën do të ofrohen dhe demonstrohen sugjerime praktike për shërbimin në fushë. Gjithashtu, do të paraqiten përvoja inkurajuese e ndërtuese si dhe intervista. Prandaj, duke qenë të pranishëm dhe duke dëgjuar me synimin për të vënë në praktikë çfarë mëson, do të ndodhesh në një pozitë më të mirë për t’iu bindur plotësisht urdhrave të Fjalës së Perëndisë.
4 Një nga pikat kulminante të asamblesë qarkore do të jetë pagëzimi i vëllezërve dhe motrave të reja të dedikuar. Mjaft kohë përpara kësaj shpalljeje publike të dedikimit të tyre, kandidatët duhet t’ia shprehin dëshirën e tyre për t’u pagëzuar mbikëqyrësit drejtues kështu që ai mund të rregullojë që pleqtë të takohen me të.
5 Fjalimi publik për këtë asamble qarkore titullohet «Përse jemi të udhëhequr nga Bibla?» Fto personat e interesuar që të marrin pjesë. Duke i paraprirë këtij inkurajimi kaq të nevojshëm që do të marrësh, bëj plane të sakta që ti dhe familja jote të jeni të pranishëm gjatë gjithë programit.