Çfarë të themi për revistat?

Kulla e Rojës 15 dhjetor

«Në këtë periudhë të vitit, shumë njerëz mendojnë për lindjen e Jezuit. A e dini se mund të nxjerrim mësime të vlefshme nga tregimi biblik që flet për lindjen e tij? [Ta lëmë të përgjigjet. Pastaj të tregojmë faqen 5 dhe të lexojmë 2 Timoteut 3:16.] Ky numër i revistës Kulla e Rojës trajton disa nga këto mësime.»

Zgjohuni! dhjetor

«A mendoni se do të vijë një ditë kur shkenca do t’u japë fund sëmundjeve dhe lëngatave? [Ta lëmë të përgjigjet.] Ky numër i revistës Zgjohuni! trajton disa nga arritjet që ka pasur shkenca. Gjithashtu, tregon përse vetëm Krijuesi ka fuqi për të eliminuar sëmundjet dhe vdekjen.» Të lexojmë Psalmin 146:3-5 dhe t’i ofrojmë revistën.

Kulla e Rojës 1 janar

«Kur njerëzve u vdes një person i dashur ose kur ky vuan nga ndonjë sëmundje, ata shpesh pyesin veten: ‘Pse e lejon Perëndia një gjë të tillë?’. Ndoshta edhe ju keni bërë të njëjtën pyetje. Bibla tregon se Perëndia ndien dhembshuri për ata që vuajnë. [Të lexojmë Isainë 63:9a.] Kjo revistë shpjegon përse mund të jemi të sigurt që Perëndia do t’u japë fund vuajtjeve.»

Zgjohuni! 8 janar

«A mendoni se qeveria duhet të ndërhyjë në lirinë e shprehjes? [Ta lëmë të përgjigjet.] Po kur kjo liri ka të bëjë me shfaqjen e bindjeve tona fetare, siç lexojmë këtu? [Të lexojmë Veprat 28:30, 31.] Kohët e fundit, kjo çështje u vu për shqyrtim para Gjykatës së Lartë në SHBA. Ju ftoj ta lexoni këtë numër të revistës Zgjohuni! që flet rreth kësaj teme.»