Çfarë të themi për revistat?

Kulla e Rojës 15 maj

«A mendoni se do të jetojmë ndonjëherë në një botë pa varfëri? [Ta lëmë të përgjigjet.] Shikoni se çfarë premton Perëndia. [Të lexojmë Isainë 65:21.] Në këtë numër të Kullës së Rojës shqyrtohet se si do të bëhet realitet ky premtim.» Me synimin për t’u kthyer prapë, në fund bëji pyetjen: «Por, kur do të ndodhë ky ndryshim që premtohet këtu?»

Zgjohuni! 22 maj

«Shpesh dëgjojmë që fizkultura të bën mirë për shëndetin, por shumë njerëz e pranojnë se nuk bëjnë fizkulturë aq sa duhet. A nuk është kështu? [Ta lëmë të përgjigjet.] Në këtë revistë flitet për dobitë që kemi kur bëjmë fizkulturë rregullisht, dhe sugjerohen disa mënyra se si mund të gjejmë kohë, pavarësisht se sa të ngarkuar jemi.»

Kulla e Rojës 1 qershor

«Megjithëse të gjithë flasin për paqe, njerëzimi nuk e ka arritur dot unitetin botëror. A mendoni se arritja e këtij uniteti është vetëm një ëndërr? [Ta lëmë të përgjigjet.] Kjo revistë e drejton vëmendjen te një qeveri që është në gjendje ta bashkojë të gjithë njerëzimin.» Të lexojmë Psalmin 72:7, 8, dhe ta lëmë që të kthehemi një herë tjetër për të shpjeguar se si do të ndodhë kjo.

Zgjohuni! 8 qershor

«A e keni vënë re që shumë njerëz shqetësohen për përhapjen e madhe të kancerit të lëkurës? [Ta lëmë të përgjigjet.] Ky numër i revistës Zgjohuni! tregon se përse sot rrezikojmë më tepër të prekemi nga kjo sëmundje dhe se çfarë mund të bëjmë për t’u mbrojtur.» Në përfundim, të lexojmë premtimin ngushëllues që gjendet te Jobi 33:25.