«Ushqim në kohën e duhur»
1. Si të ka ndihmuar programi i asamblesë speciale njëditore ty dhe të tjerët?
1 Pas një asambleje speciale njëditore, shpesh themi: «Pikërisht për këtë kishim nevojë!» Një mbikëqyrës qarkor tregoi se pas programit të një asambleje, disa në qarkun e tij shprehën dëshirën të shtonin shërbimin. Një mbikëqyrës udhëtues tha: «Na bëri të kuptojmë qartë se ku ndodhemi në rrjedhën e kohës, ndërsa shqyrtojmë përsëri zgjedhjet që kemi bërë.» Një tjetër pohoi: «Një sërë lajmëtarësh u shprehën se programi i kishte shkundur dhe i kishte nxitur të shqyrtonin veten nëse po përqendroheshin në gjënë më të rëndësishme, shërbimin.» Si të ndihmoi asambleja speciale njëditore?
2. Çfarë do të shqyrtohet në programin e asamblesë gjatë vitit të ardhshëm të shërbimit?
2 Edhe programi i asamblesë për vitin e ardhshëm të shërbimit, do të jetë pikërisht ajo për të cilën kemi nevojë. Tema është ‘Gjej strehë te Jehovai’, bazuar te Psalmi 118:8, 9. Këto janë disa nga fjalimet që do të trajtohen: «Si bëhet Jehovai fortesë në kohë vuajtjesh?», «T’i ndihmojmë të tjerët të gjejnë strehë nën krahët e Jehovait», «Të imitojmë Jehovain kur sigurojmë mbështetje», «Të rinj, mbështetuni te Jehovai» dhe «Parajsa jonë frymore—Masa e Jehovait për strehim».
3. Si mund të përfitojmë në mënyrë sa më të plotë nga ajo që dëgjojmë në asamble?
3 Si të nxjerrim dobi? Sapo data të bëhet e ditur, bëj plane konkrete për të qenë i pranishëm dhe fto studentët biblikë që të vijnë edhe ata. Që të ‘japim fryte me qëndrueshmëri’, duhet ta mbajmë atë që dëgjojmë. (Luka 8:15) Prandaj dëgjoje programin me vëmendje dhe shkurtimisht mbaj shënim pikat kryesore dhe udhëzimet që mendon t’i zbatosh në shërbim dhe në jetë. Programoni që pas asamblesë të flisni si familje për programin dhe të shqyrtoni mënyra konkrete se si mund t’i zbatosh ti dhe familja ato që dëgjuat në asamble.
4. Pse duhet ta presim me padurim asamblenë e ardhshme speciale njëditore?
4 Ashtu si një vakt i shijshëm dhe i ushqyeshëm, asambleja speciale njëditore e këtij viti është përgatitur me shumë dashuri dhe është paramenduar me kujdes. Jehovai i bekoftë përpjekjet tuaja për të shkuar në asamble dhe për të nxjerrë dobi nga ky «ushqim në kohën e duhur», që forcon frymësisht shërbëtorët e krishterë.—Mat. 24:45.