Fjala e Perëndisë ushtron fuqi
1. Cila është tema e asamblesë speciale njëditore për vitin e shërbimit 2014?
1 Ndryshe nga çdo gjë tjetër që vjen nga njerëzit e papërsosur, Bibla ka fuqinë të na transformojë duke i modeluar mendimet dhe udhët tona në harmoni me vullnetin e Jehovait. Por, sa e fuqishme është Fjala e Perëndisë? Si mund ta përdorim plotësisht fuqinë e saj në jetën tonë? Si mund ta përdorim në mënyrë më të efektshme për të ndihmuar të tjerët? Jemi të sigurt se të gjithë do të forcohemi frymësisht kur këto pika të shqyrtohen gjatë programit të asamblesë speciale njëditore të përgatitur për vitin e shërbimit 2014. Tema e saj «Fjala e Perëndisë ushtron fuqi» është bazuar te Hebrenjve 4:12.
2. Përgjigjet e cilave pyetje duhet të dëgjojmë me kujdes?
2 Gjeni përgjigjet e këtyre pyetjeve: Ndërsa dëgjoni programin, mbani shënim përgjigjet e pyetjeve të mëposhtme.
• Pse duhet të kemi besim te Fjala e Jehovait? (Psal. 29:4)
• Si mund të përjetojmë fuqinë e Fjalës së Perëndisë në jetën tonë? (Psal. 34:8)
• Si mund ta lejosh fuqinë e Fjalës së Perëndisë të veprojë në shërbimin tënd? (2 Tim. 3:16, 17)
• Ç’të bëjmë që të mos biem pre e fuqisë mashtruese të botës së Satanait? (1 Gjon. 5:19)
• Të rinj, si mund të arrini të jeni shërbëtorë të suksesshëm të Jehovait? (Jer. 17:7)
• Si mund të bëhemi të fuqishëm edhe kur jemi të dobët? (2 Kor. 12:10)
• Cili është çelësi që na ndihmon të transformohemi vazhdimisht, pavarësisht zakoneve e qëndrimeve të ngulitura thellë? (Efes. 4:23)
3. Përveçse do të dëgjojmë programin, ç’dobi tjetër do të nxjerrim nga asambleja speciale njëditore?
3 Sa dobi do të nxjerrim nga ky program! Veç kësaj, asambleja speciale njëditore, ashtu si asambleja qarkore dhe kongresi krahinor, do të na japë mundësi të zgjerohemi e të gëzojmë shoqërinë me motra e vëllezër nga kongregacione të tjera. (Psal. 133:1-3; 2 Kor. 6:11-13) Prandaj lini kohë të qëndroni me miqtë e vjetër dhe të njihni miq të rinj. Nëse një orator vizitues, për shembull, një mbikëqyrës qarkor ose një vëlla nga Betheli është caktuar në asamblenë tuaj, pse të mos shfrytëzoni rastin e t’i uroni mirëseardhje atij dhe gruas së tij? Po, kemi shumë arsye që ta presim me padurim asamblenë speciale njëditore.