Një metodë e re dhe interesante e dëshmisë publike
1. Çfarë janë inkurajuar të bëjnë kongregacionet që kanë zona me shumë kalimtarë?
1 Kongregacionet që kanë zona ku ka shumë kalimtarë janë inkurajuar të japin dëshmi publike me anë të tryezave ose stendave të lëvizshme. Nëse përdoret stendë, aty duhet të qëndrojë të paktën një lajmëtar, në këmbë ose ulur. Por, nëse përdoret tryezë, duhet të qëndrojnë dy lajmëtarë. Ata që caktohen të qëndrojnë aty, duhet të përpiqen të jenë të ngrohtë, miqësorë dhe të përzemërt. Kur dikush afrohet, një nga lajmëtarët mund të fillojë një bisedë, ndoshta duke thënë: «A e dini çfarë thotë Bibla për këtë temë?» Një ose dy lajmëtarë të tjerë mund të japin dëshmi joformale, por në një distancë që i lejon të shohin stendën.
2. Trego një përvojë që nxjerr në pah vlerën e dëshmisë publike me stenda.
2 Me këtë metodë janë filluar shumë studime biblike. Një studente në universitet zgjodhi të bënte një detyrë me shkrim për Dëshmitarët e Jehovait, por nuk arrinte të gjente një Sallë Mbretërie. Një javë më pas i zuri syri një stendë para universitetit. Filloi studim biblik dhe tani është lajmëtare e pagëzuar që merr pjesë edhe vetë në këtë formë predikimi.
3. Çfarë mendojnë disa për këtë formë të dëshmisë publike?
3 Një motër që ka dëshmuar në këtë mënyrë, tha: «Disa afrohen te stenda për të marrë revistat e muajit. Disa të tjerë nuk kanë dëgjuar kurrë për Dëshmitarët e Jehovait. Mendoj se me këtë metodë mund t’u jepet dëshmi shumë vetave.» Një motër tjetër u shpreh: «Kjo është një metodë e re dhe interesante, sepse janë njerëzit që vijnë te ne dhe më e pakta, bëhen kuriozë.»
4. Pse është mirë që stenda të vihet në të njëjtin vend e orar çdo javë?
4 Është mirë që stenda të vihet në të njëjtin vend, në të njëjtin orar dhe në të njëjtat ditë çdo javë. Kështu njerëzit mësohen me stendat dhe pastaj afrohen lirshëm për të bërë pyetje ose për të kërkuar literaturë. A është përfshirë ndonjëherë kongregacioni juaj në këtë formë predikimi? Nëse po, ndoshta edhe ti mund të marrësh pjesë në këtë lloj dëshmie të këndshme dhe të efektshme ‘për të shpallur kudo mbretërinë e Perëndisë’.—Luka 9:60.