A po përfiton nga Bibla audio?

Çfarë është Bibla audio? Bibla audio është incizim i Përkthimit Bota e Re të rishikuar. Ajo po vihet në dispozicion pak e nga pak në sa më shumë gjuhë. Një nga veçoritë e Biblës audio është se personazhe të ndryshme lexohen nga zëra të ndryshëm. Fjalët lexohen me emfazën dhe emocionin e duhur, që të përcjellin me saktësi mesazhin e Biblës.

Si kanë nxjerrë dobi disa nga Bibla audio? Mjaft veta që e dëgjojnë rregullisht, e pëlqejnë shumë sepse, nëpërmjet saj, Fjala e Perëndisë bëhet e gjallë. Ata kanë parë se, duke dëgjuar një lexues për çdo personazh të Biblës, i përfytyrojnë më mirë ngjarjet dhe e kuptojnë më qartë atë që është shkruar. (Pr 4:5) Shumë të tjerë kanë vënë re se, duke dëgjuar Biblën audio, ndihen më të lehtësuar nga mendimet turbulluese.—Ps 94:19.

Kur dëgjojmë Fjalën e Perëndisë, kjo mund të ketë ndikim të fuqishëm në jetën tonë. (2Kr 34:19-21) Nëse Bibla audio është pjesërisht ose plotësisht e disponueshme në një gjuhë që kupton, pse të mos e përfshish në programin tënd ditor?

SHIHNI VIDEON BIBLA ME NJË MIJË ZËRA—FRAGMENT, DHE PASTAJ PËRGJIGJJUNI PYETJES SË MËPOSHTME:

Çfarë të bën përshtypje te mënyra si është realizuar Bibla audio?