Mbaj një program të rregullt të leximit të Biblës

A e ke të vështirë ta lexosh çdo ditë Fjalën e Perëndisë, për shkak të jetës së vrullshme? (Jos. 1:8) Nëse po, provo të zbatosh një nga sugjerimet e mëposhtme:

• Krijo një njoftim në pajisjen elektronike. Vendos një alarm në pajisjen tënde që të të kujtojë përditë të lexosh Biblën.

• Mbaje Biblën në një vend të dukshëm. Nëse e lexon Biblën në format të shtypur, vëre në një vend që ta zë syri kollaj çdo ditë.—Ligj. 11:18.

• Dëgjo regjistrimet audio. Dëgjo regjistrimet audio të Biblës ndërsa merresh me aktivitetet e përditshme. Tara, një nënë që shërben si pioniere dhe punon turn i tretë, thotë: «E dëgjoj Biblën në formatin audio kur bëj punët e shtëpisë, dhe kjo më ndihmon të mos e lë pas dore leximin e Biblës.»

• Mos u dorëzo. Nëse të del diçka e papritur që të prish programin e leximit të Biblës, lexo të paktën disa vargje para se të flesh. Mund të nxjerrësh shumë dobi sikur të lexosh edhe një pjesë të vogël çdo ditë.—1 Pjet. 2:2.