A është barazia raciale thjesht një ëndërr?—Çfarë thotë Bibla?

Për shumë veta, barazia raciale mbetet një ëndërr në sirtar.

• «Racizmi vazhdon të helmojë institucionet, strukturat shoqërore dhe jetën e përditshme në çdo shoqëri. Ai e ushqen pareshtur pabarazinë.»—Antonio Guterresi, sekretari i përgjithshëm i OKB-së.

A do të bëhet ndonjëherë realitet barazia raciale? Çfarë thotë Bibla?

Pikëpamja e Perëndisë për barazinë raciale

Bibla na mëson pikëpamjen e Perëndisë për njerëzit e racave të ndryshme.

• «Nga një njeri i vetëm, [Perëndia] bëri të gjitha kombet, që të banojnë mbi tërë faqen e dheut.»—Veprat 17:26.

• «Perëndia nuk është i anshëm, por pranon nga çdo komb këdo që e nderon thellësisht dhe që bën atë që është e drejtë.»—Veprat 10:34, 35.

Bibla thotë se të gjithë njerëzit janë pjesë e një familjeje dhe se Perëndia pranon njerëz të çdo race.

Si do të çrrënjoset pabarazia raciale?

Pabarazinë raciale do ta çrrënjosë Mbretëria e Perëndisë, një qeveri qiellore. Kjo qeveri do t’i mësojë njerëzit si ta trajtojnë njëri-tjetrin në mënyrën e duhur. Njerëzit do të mësojnë si të eliminojnë çdo ndjenjë racizmi që mund të kenë.

• «Banorët e [tokës do të] mësojnë ç’është drejtësia.»—Isaia 26:9.

• «Rezultati i drejtësisë së vërtetë do të jetë paqja, dhe fryti i saj do të jetë qetësia dhe siguria e përhershme.»—Isaia 32:17.

Sot, miliona veta po mësojnë nga Bibla si t’i trajtojnë të tjerët me respekt dhe dinjitet.

• Që të dish më shumë, lexo revistën Zgjohuni! me titull «A kanë shërim paragjykimet?»

• Lexo artikullin «Si të flasësh me fëmijët për racizmin», që të kuptosh si mund ta diskutojnë prindërit këtë temë në shtëpi.