Dipesaleme

5 Mamela mantswe a ka hle Jehova.+

O bone matshwenyeho a ka.

 2 Mmamele ha ke lla ke kopa thuso,

Ke rapela wena Morena wa ka le Modimo wa ka.

 3 Jehova, o tla utlwa lentswe la ka hoseng.+

Hoseng ke tla bua le wena ka dintho tse ntshwenyang+ mme ke tla emela hore o nkarabe.

 4 Ha o Modimo ya thabiswang ke bobe.+

Ha ho na motho ya etsang dintho tse mpe ya ka dulang le wena.+

 5 Ha ho na motho ya ikgohomosang ya ka emang ka pela hao.

O hloile bohle ba etsang dintho tse mpe.+

 6 O tla fedisa batho ba buang leshano.+

Jehova o hloile batho ba ratang ntwa le ba buang leshano.*+

 7 Ke tla kena ka tlung+ ya hao hobane o nthata haholo.*+

Ke tla inama ke shebile tempeleng* ya hao e halalelang ho bontsha hore ke o hlompha haholo.+

 8 Jehova, ntataise hore ke tsamaye tseleng e nepahetseng e le hore ke sireletsehe ho ba ntlhoileng.

Nthuse hore ke tsamaye tseleng ya hao ke sa kgoptjwe ke letho.+

 9 Dintho tsohle tseo ba di buang ha di tshepahale.

Dipelo tsa bona di tletse lehloyo feela,

Mmetso ya bona ke lebitla le ahlameng.

Ba qhekella batho ka maleme a bona.*+

10 Empa Modimo o tla re ba molato.

Ba tla tshwaswa ke maraba a bona.+

E se eka ba ka lelekwa ka lebaka la melato ya bona e mengata

Hobane ba o fetohetse.

11 Empa bohle ba balehelang ho wena ba tla thaba.+

Ba tla hweletsa ba thabile ka mehla.

O tla thibela ba batlang ho ba utlwisa bohloko hore ba se ke ba ba atamela.

Ba ratang lebitso la hao ba tla thaba ka lebaka la hao.

12 Jehova, o tla hlohonolofatsa bohle ba lokileng.

O tla ba sireletsa ka mohau wa hao jwalo ka ha eka ke ka thebe e kgolo.+