John Moore/Getty Images
LETSHOLO LE KGETHEHILENG
Na Mmusong wa Modimo Teng ho Tla ba le Bophelo bo Botle?
Ka la 22 May 2023 e mong wa baetapele ba World Health Organization e leng Dr. Tedros Adhanom Ghebreyesus o ile a re: “Taba ya hore COVID-19 ha e sa nkwa e le koduwa e kaalo, ha e bolele hore e se e fedile.. . . Ho ntse ho tla ba le sewa se seng mme re tla lokela ho ba malalaalaotswe.”
COVID-19 e bakile mathata a mangata ao batho ba sa ntseng ba sebetsana le ona hona jwale, e ba amme mmeleng le maikutlong. Ha e le moo mebuso le mekgatlo ya tsa bophelo bo botle e se e ntse e sa kgone hore hlokomela hona jwale, na e tla be e le malalaalaotswe ha ho ka ba le sewa se seng?
Bibele e bua ka mmuso o tla kgona ho re fa bophelo bo botle. E re: “Modimo wa lehodimo o tla hloma mmuso.” (Daniele 2:44) Mmusong oo “ha ho moahi ya tla re: ‘Ke a kula.’ ” (Esaia 33:24) Motho e mong le e mong o tla ba le bophelo bo botle a be mahlahahlaha jwalo ka ha a ne a le monyenyane.—Jobo 33:25.