KAROLO YA 14

O ka Bontsha Jwang Hore o Tshepahalla Jehova?

Eba ka lehlakoreng la Modimo. 1 Petrose 5:6-9

Mokreste o hana ho kopanela bodumeding ba bohata le ditabeng tsa dipolotiki

O lokela ho ba sebete mme o hane ho kopanela meetlong e sa dumellaneng le Bibele.

O se ke wa kenella ditabeng tsa dipolotiki tsa dinaha kaha ha di tshehetse Jehova le Mmuso wa hae.

Etsa qeto e nepahetseng ka hore o mamele Modimo. Matheu 7:24, 25

Monna o ya dibokeng tsa Bokreste Holong ya Mmuso, mme o bala Bibele le Dipaki Tsa Jehova

Ikopanye le Dipaki Tsa Jehova; di tla o thusa ho atamela ho Modimo.

Tswela pele o ithuta ka Modimo mme o leke ho mamela ditaelo tsa hae.

Monna o inehela ho Jehova ka thapelo ebe ha morao o a kolobetswa

Ha tumelo ya hao e se e le matla, o lokela ho inehela ho Jehova mme o kolobetswe.—Matheu 28:19.

Mamela Modimo. Bala Bibele mme o kope Dipaki Tsa Jehova hore di o thuse hore o e utlwisisa. Ka mora moo, sebedisa seo o ithutileng sona. Haeba o etsa jwalo, o tla phela ka ho sa feleng.—Pesaleme ya 37:29.