Kemiso ea Liboka Tsa Tšebeletso

Tlhokomeliso: Tšebeletsong ea Rōna ea ’Muso, ho tla ba le kemiso ea Seboka sa Tšebeletso bakeng sa beke ka ’ngoe likhoeling tsa kopano. Liphutheho li ka ’na tsa etsa liphetoho tse hlokahalang e le hore li ka ea Kopanong ea Setereke ea “Tsamaeang le Molimo.” Ha ho hlokahala, sebelisang metsotso e 15 Sebokeng sa Tšebeletso sa ho qetela pele le ea kopanong bakeng sa ho hlahloba keletso e tobileng e sebetsang phuthehong ea lōna e tsoang kenyelletsong ea October. Ka February 2005, ho tla lokisetsoa hore ho be le Seboka sa Tšebeletso seo ho sona ho tla hlahlojoa lintlha tse khōlō tsa lenaneo la kopano. Ho itokisetsa puisano eo, kaofela ha rōna re lokela ho ngola lintlha tse utloahalang ha re le kopanong, ho akarelletsa le letoto la lintlha tse khethehileng tseo re batlang ho li sebelisa bophelong ba rōna le tšebeletsong ea tšimo. Ka mor’a moo re ka khothatsa ba bang ka ho ba hlalosetsa kamoo re sebelisitseng litlhahiso tseo kateng.

Beke e Qalang ka la 8 November

Pina ea 180

10 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Ka November re tla tsamaisa buka ea Ithute ho Mosuoe e Moholo. Ka bokhutšoanyane hlahloba linehelano tse Tšebeletsong ea Rōna ea ’Muso ea May 2004, leqepheng la 3.

15 mets: Na U se U Buile le Mohiri oa Hao? Puo le puisano le bamameli ka moholo e thehiloeng sehloohong se reng, “Na U Tla ba Teng?” se Tšebeletsong ea Rōna ea ’Muso ea October 2002, leqepheng la 1. Kopanyelletsa litlhaloso tse bukeng ea Sekolo sa Tšebeletso, leqepheng la 67.

20 mets: “Lemohang Hore Metsotso e Jele Babeli!”a Kopanyelletsa litlhaloso tse Molula-Qhooeng oa January 15, 2000, leqepheng la 12-13.

Pina ea 19 le thapelo e koalang.

Beke e Qalang ka la 15 November

Pina ea 170

10 mets: Litsebiso tsa phutheho. Haeba litlhahiso tse leqepheng la 4 li sebetsa tšimong ea phutheho ea lōna, li sebelise ho bontša kamoo ho ka tsamaisoang Molula-Qhooa oa November 15 le Tsoha! ea December 8. Ho ka ’na ha sebelisoa linehelano tse ling tse sebetsang.

20 mets: Na U Tseba Thabo e Tlisoang ke ho Fana? Puo e thehiloeng Molula-Qhooeng oa November 1, 2004, leqepheng la 19-23.

15 mets: Thabela ho Thusa ba Bang. (Joh. 4:34) Lipuisano. Hoa thabisa ho bona sefahleho sa motho se tlala thabo ha a ithuta linnete tsa Lentsoe la Molimo. (w94-SU 3/1 leq. 29 lir. 5-6) Buisana le bahoeletsi ba babeli kapa ba bararo kapa bo-pula-maliboho ba atlehang ho sebelisa Bibele tšebeletsong le ho qalisa lithuto tsa Bibele le ho li khanna. Ba hlaolela joang thahasello eo ba e fumanang? Ke eng se ba thabisang ka ho etsa joalo? Lokisetsa hore ba phete liphihlelo kapa ba etse pontšo ea se ileng sa etsahala tšebeletsong ea bona.

Pina ea 66 le thapelo e koalang.

Beke e Qalang ka la 22 November

Pina ea 199

10 mets: Litsebiso tsa phutheho. Tlaleho ea liak’haonte.

20 mets: Litlhoko tsa phutheho.

15 mets: Rua Molemo ka ho Feletseng Sebokeng sa Tšebeletso. Puisano le bamameli e thehiloeng bukeng ea Tšebeletso ea Rōna, leqepheng la 71-2. Joaloka basebeletsi ba Bakreste, Seboka sa Tšebeletso se re thusa ho ntlafatsa likarolong life tse hlano? Qotsa mehlala lenaneong la khoeli ena e holimo. Ho lokisetsa esale pele ho ruisa molemo joang? Ke hobane’ng ha re lokela ho ba teng kamehla? Ho na le mohlala ofe oa Mangolo oa seboka see?

Pina ea 58 le thapelo e koalang.

Beke e Qalang ka la 29 November

Pina ea 23

10 mets: Litsebiso tsa phutheho. Hopotsa bahoeletsi ho fana ka litlaleho tsa bona tsa tšebeletso ea tšimo tsa November. Bontša kamoo ho ka tsamaisoang Molula-Qhooa oa December 1 le Tsoha! ea December 8.

10 mets: Lebokose la Lipotso. Puo ka moholo.

25 mets: “Ho Khanna Lithuto Tsa Bibele Tse Tsoelang Pele—Karolo ea 3.”b Sebelisa lipotso tse lokiselitsoeng. Ka mor’a ho tšohla serapa sa 3, akarelletsa pontšo e khutšoanyane ea thuto ea Bibele bukaneng ea Seo a se Hlokang, thutong ea 5, serapeng sa 1. Serapa se se se baliloe le potso e se e arabiloe. Mokhanni le seithuti ba bala Esaia 45:18 le Moeklesia 1:4 ’me ba buisana ka tsona. Mokhanni o botsa lipotso tse bonolo ho susumelletsa seithuti ho hlalosa kamoo temana ka ’ngoe e amanang kateng le ntlha eo ho buisanoang ka eona.

Pina ea 178 le thapelo e koalang.

Beke e Qalang ka la 6 December

Pina ea 96

10 mets: Litsebiso tsa phutheho. Bolela lingoliloeng tse tla tsamaisoa ka December. Lokisetsa hore ho be le pontšo e le ’ngoe kapa tse peli tsa kamoo buka ea Motho e Moholo e ka tsamaisoang kateng.

20 mets: “Na U ka Thusa?”c Buisana le mohoeletsi a le mong kapa ba babeli ba ileng ba thabela ho thusoa kapa ho khothatsoa ke ba bang.

15 mets: Liphihlelo tsa phutheho. Kōpa bamameli ho pheta liphihlelo tseo ba li thabetseng tšimong e sa abuoang kapa tšimong ea phutheho e sebetsoang seoelo. Haeba phutheho e sa ka ea sebetsa masimong ana, kōpa bamameli ho pheta liphihlelo tseo ba bileng le tsona ha ba paka ka mokhoa o sa reroang, ha ba paka tšimong ea phutheho ea khoebo le e tloaelehileng. Lokisetsa esale pele hore ho etsoe pontšo ea se etsahetseng liphihlelong tse thahasellisang. Babatsa bohle ka ho tšehetsa phutuho ea tšimo e sa abuoang.

Pina ea 101 le thapelo e koalang.

[Mongolo o botlaaseng ba leqephe]