Tsela ea ho Buella Limakasine

Molula-Qhooa Aug. 15

“Kajeno, batho ba batla keletso mehloling e mengata mabapi le lenyalo le ho hōlisa bana. U nahana hore keletso e molemo ka ho fetisisa e ka fumanoa hokae? [Emela karabelo.] Molula-Qhooa ona o fana ka keletso e bohlale e fanoeng ke ’Mōpi oa batho mabapi le bophelo ba lelapa.” Bala Pesaleme ea 32:8.

Molula-Qhooa Sept. 1

“Kaofela ha rōna re batla ho thaba. Na u nahana hore lintho tse boletsoeng moo ka sebele li ka tlisa thabo? [Bala Matheu 5:4a, 6a, 10a. Ebe u emela karabelo.] Makasine ena e hlalosa se boleloang ke mantsoe ao a Thuto e tsebahalang ea Thabeng ’me e bua ka seo motho a se hlokang hore a thabe.”

Tsoha! Sept. 8

“U nahana hore ke habohlokoa hakae hore bo-ntate ba be le karolo bophelong ba bana ba bona? [Emela karabelo.] Tsoha! ena e bua ka bothata bo ntseng bo eketseha ba bo-ntate ba sieo hae. E boetse e hlalosa kamoo bo-ntate ba ka bang le tšusumetso e molemo kateng ho bana ba bona.” Bala Liproverbia 13:1.

Nehelano e ’ngoe: “Ho hakanngoa hore motho a le mong ho ba bane o tla ba le lefu la kelello karolong e itseng ea bophelo ba hae. Bongata ba rōna re tseba batho ba joalo. [Phetla sehlooho.] Sehlooho sena se fana ka litlhahiso tse sebetsang mabapi le seo re ka se etsang haeba motho eo re mo ratang a le boemong bo joalo.”