Umejitayarisha Kuhusu Hali Zisizotazamiwa Zinazoomba Matunzo ya Haraka?
Hali fulani ya afya inaweza kutukia bila kutazamia ao bila kuwazia ambayo inaomba kutenda kwa haraka. (Yak. 4:14) Kwa hiyo, mutu mwerevu atachukua mbele ya wakati mipango kadiri iwezekanayo ili kujitayarisha. (Met. 22:3) Umekwisha kuamua ni matunzo gani na ufundi gani wa kiganga ambao utakubali, na umekwisha kuandika uamuzi wako? Ili kukusaidia, video Soigner sans transfuser — Besoins et droits du patient imetolewa. Video hiyo ni sehemu ya pili ya DVD yenye kichwa Des alternatives à la transfusion — Documentaires. Unapofuata video hiyo, tafuta majibu kwa maulizo yanayofuata. Kwa kuwa video hiyo ina vipindi vifupi vyenye kuonyesha upasuaji, wazazi watatumia hekima ili kuamua ikiwa watoto wadogo watatazama video hiyo ao hapana.
(1) Kwa nini waganga fulani wanaanza kubadili maoni yao kuhusu kuwatia watu damu? (2) Taja mifano mitatu ya upasuaji ambao umefanywa bila kuwatia wagonjwa hao damu. (3) Kwa nini waganga na wapasuaji wengi sana ulimwenguni pote wamekubali kutunza na kupasua wagonjwa bila kuwatia damu? (4) Uchunguzi uliofanywa hivi karibuni katika hospitali fulani unaonyesha nini kuhusu matumizi ya damu? (5) Kutiwa damu kunaweza kutokeza hatari gani za kiganga? (6) Waganga na wapasuaji wamefikia uamuzi gani kuhusu faida za kutumia dawa ao matunzo ya aina nyingine kuliko kutumia damu? (7) Ni nini kinachosababisha upungufu wa damu, na ni nini kinachoweza kufanywa ili kumusaidia mugonjwa anayepungukiwa na damu? (8) Ni nini kinachoweza kufanywa ili mwili wa mugonjwa utengeneze chembe nyekundu (globules rouges) za damu haraka zaidi? (9) Ni ufundi gani mbalimbali unaotumiwa ili kuzuia damu isivuje kwa uwingi wakati wa upasuaji? (10) Je, dawa zinazotumiwa mahali pa damu na ufundi mbalimbali unaotumiwa vinaweza kutumiwa kuwatunza watoto na watu walio katika hali ya hatari inayoomba matunzo ya haraka? (11) Taja kanuni moja kati ya kanuni za maana zinazohusu matunzo mazuri.
Kwa kuwa kukubali matunzo fulani yanayoonyeshwa katika video hiyo ni jambo linalotegemea zamiri ya mutu mwenyewe, usingojee hali ya kushitukia ya haraka ili kuamua aina ya matunzo ambayo unaweza kukubali ao kukataa. Ili kufanya maamuzi yenye hekima, soma Sura ya 7 ya kitabu “Upendo wa Mungu,” nyongeza ya Huduma Yetu ya Ufalme ya mwezi wa 11, 2006 na pia habari zilizo katika magazeti yanayoonyeshwa katika nyongeza hiyo. Kisha, ikiwa wewe ni mwenye kubatizwa, onyesha maamuzi yako kwenye kadi ya kiganga DPA. Uwe na kadi yako kila wakati.
[Wazo la fungu kwenye ukurasa 3]
Umekwisha kuamua ni matunzo gani na ufundi gani wa kiganga ambao utakubali, na umekwisha kuandika uamuzi wako?