Tushiriki Katika Shule Ya Huduma Ya Kitheokrasi

¹ Kwa msaada wa Shule ya Huduma ya Kitheokrasi, mamilioni ya Mashahidi wa Yehova wanapewa mazoezi ili kuwa wahudumu wa habari njema. Tunakumbuka kwa walio wengi woga wetu na hisia zetu za kutokuwa na uwezo wakati tuliposhiriki kwa mara ya kwanza katika shule hiyo; na kwa sasa, sisi ni wenye shukrani kwa kazi ambayo shule hiyo ilitimiza katika ukuzi wetu wa kiroho, kuhusu kusema Neno la Mungu na kulifundisha. (Ona Matendo 4:13.) Je! ulikwisha kujiandikisha kwenye shule hiyo ya ajabu?

² Nani anayeweza kujiandikisha? Kitabu Tumefanywa Tengenezo Tutimize Huduma Yetu kinajibu kwenye ukurasa 73: “Wote ambao ni watendaji wanaoshirikiana na kundi, kutia na wapya wanaohudhuria mikutano, wanaweza kujiandikisha majina ikiwa maisha yao yanapatana na kanuni za Kikristo.” Tunaalika wote wale wanaotimiza matakwa yanayoombwa​—wanaume, wanawake na watoto​—kwenda kumuona mwangalizi wa shule ili kujiandisha.

³ Programu ya Shule ya 1997 : Programu ya Shule ya Huduma ya Kitheokrasi ya 1997 inatia ndani uchunguzi wa hesabu ya kutosha ya mafundisho na watu wa Kibiblia, na pia historia ya tengenezo. Si tu kwamba tunakuza uwezo wetu wa kuwa wasemaji na walimu, lakini pia tunajifunza mambo mengi kutokana na hazina zote hizo za kiroho zilizomo katika programu hiyo ya kila juma. (Mez. 9:9) Ikiwa tunajitayarisha kwa ajili ya shule, kwa mfano usomaji wa kila juma wa Biblia, na kwamba tunahudhuria mikutano hiyo kikawaida, hilo litakuwa la faida kwetu kwa upande wa kiroho.

⁴ Katika 1997, nyingi za sehemu za usomaji wa Biblia kwa kipindi Na. 2 zitakuwa fupi zaidi kuliko wakati wa nyuma. Wakati atakapotayarisha kipindi chake, mwanafunzi atakadiri kwa makini wakati wa usomaji wake ili kujua ni muda gani atafanya kwa utangulizi na umalizio katika dakika tano anazotolewa. Hilo litamwezesha kutumia kikamilifu wakati wake na kukomaza si tu uwezo wake wa kusoma, lakini pia ufundi wa kusema kwa namna isiyotazamiwa.—1 Tim. 4:13.

⁵ Waliongeza ushuhuda wa vivi hivi katika vikao vinavyoweza kuchaguliwa kwa ajili ya kipindi Na. 3, kinachotegemea kitabu Ujuzi. Hivyo, dada ataweza kuchagua kama kikao ziara ya kurudia, funzo la Biblia au ushuhuda wa vivi hivi. Itakuwa hivyo vema kuendelea kutia mkazo hasa juu ya mafundisho na si juu ya kikao.

⁶ Iwe tunalo pendeleo la kutoa hotuba ya maagizo, nukta kubwa za Biblia au kipindi cha mwanafunzi, tunaweza kuonyesha thamani tunayotoa kwa Shule ya Huduma ya Kitheokrasi kwa kutayarisha na kurudilia vizuri kipindi chetu, kwa kukitoa kwa usadikisho na shauku, kwa kutopitisha wakati tunaotolewa, kwa kusikiliza mashauri ya mwangalizi wa shule na kwa kuyatumikisha, na pia kwa kujikaza sikuzote kutimiza kiaminifu daraka letu. Kushiriki kwetu katika shule kutaonekana hivyo kuwa baraka iwe kwetu wenyewe kama vile kwa wale wote watakaokuwako.