Ibada ya kweli ni yenye kupanuka katika ulaya ya mashariki
1 Wakristo wa karne ya kwanza walikuwa wahubiri wenye bidii wa Ufalme. Walishangilia wakati makutaniko ‘yalipoongezeka idadi siku baada ya siku.’ (Mdo. 16:5) Kuhubiri kwao kwa ujasiri kulipeleka ibada ya kweli huko Asia, Afrika, na Ulaya, tokeo likiwa mavuno makubwa ya waamini.
2 Katika wakati huu wa mwisho, ibada ya kweli inaendelea kupanuka katika nchi za Ulaya ya Mashariki. Katika nchi ambako tulikuwa chini ya vizuizi vya kiserikali hadi mapema miaka ya 1990, sisi ni wenye kupata sasa maongezeko yenye kutokeza. Kitabu-Mwaka 1999 kinafunua kwamba mbili kati ya nchi kama hizo, Urusi na Ukrainia, kila moja inaripoti zaidi ya wahubiri 100,000 wanaoshiriki katika huduma ya peupe. Katika yale maeneo 15 ya Muungano wa kale wa Sovieti, kuanzia 1991 zaidi ya watu 220,000 wamejitoa wakfu kwa Yehova na kubatizwa! Ukuzi huo wa haraka umefanya kuwe uhitaji wa kujenga Majumba mengi mapya ya Ufalme na Majumba ya Makusanyiko, na kupanua makao fulani-fulani ya tawi.
3 Kama ilivyotangazwa katika Huduma Yetu ya Ufalme ya Septemba 1997, sehemu moja ya Hazina ya Sosaiti ya Ujenzi wa Majumba ya Ufalme ni yenye kutumiwa sasa ili kutoa mikopo kwa makutaniko katika nchi ambako kuna uhitaji wa haraka sana wa Majumba ya Ufalme mengi lakini ambako kuna mali ndogo na matatizo makubwa ya kiuchumi. Kati ya Machi 1996 na Oktoba 1998, Sosaiti ilitoa kibali kwa maombi 359 ya mikopo kwa ajili ya Majumba ya Ufalme kutoka ofisi za matawi yenye kusimamia nchi 11 za Ulaya ya Mashariki. Fedha zilizotolewa michango ni zenye kutumiwa ili kununua kiwanja na vifaa kwa ajili ya ujenzi wa Majumba ya Ufalme mapya na kusaidia makutano katika kutengeneza upya majengo yaliyopo tayari. Picha zinazoonyeshwa hapa zinatupatia wazo kuhusu jinsi michango kwa ajili ya Hazina ya Sosaiti ya Majumba ya Ufalme kutoka Amerika na katika nchi nyinginezo imefaidisha ndugu zetu katika Ulaya ya Mashariki.
4 Mnamo 1998, Bulgaria ilipata ongezeko la asilimia 12, na akina ndugu walisisimuka wakati Jumba la Ufalme lao la kwanza lilipowekwa wakfu mnamo Aprili ya mwaka huo. Kroasia ilifurahia ongezeko la asilimia 4, na kwa sasa akina ndugu huko ni wenye kujenga Majumba ya Ufalme mengi zaidi ili kuendeleza ibada ya kweli. Huko Hungaria, yapata Majumba ya Ufalme 80 ni yenye kutumiwa na makutaniko 144. Hilo lamaanisha kwamba, kati ya yale makutaniko 235 katika nchi hiyo, asilimia 61 yanao mahali pao yenyewe pa ibada. Huko Makedonia, programu ya ujenzi wa Majumba ya Ufalme imemaliza majumba mawili mapya, na mengine zaidi ni yenye kujengwa. Katika majira ya kiangazi 1999, Jumba la Ufalme lenye majumba mawili lilimalizwa katika mji mkuu wa Skopje. Jumba hilo lina uwezo wa kuhudumia makutaniko sita.
5 Huko Urusi mwaka uliopita, kwa wastani zaidi ya watu 260 walibatizwa kila juma! Kwa kufuata kielelezo kilichotumiwa katika nchi nyinginezo, tawi la Urusi sasa limeunda Halmashauri za Ujenzi za Kimkoa 12 katika eneo lake kubwa lote, ili kutegemeza mipango ya wakati ujao ya ujenzi wa Majumba ya Ufalme. Katika sehemu ya Kaskazini ya St. Petersburg, Jumba la Kusanyiko la kwanza nchini humo ni lenye kujengwa, ambalo litakuwa na viti kwa ajili ya watu 1,600. Jengo hilo litatia ndani pia Majumba ya Ufalme matano yenye viti 200 kila moja. Ili kutosheleza mahitaji ya kiroho ya ndugu zetu na wenye kupendezwa wengi katika Ukrainia, Majumba ya Ufalme 84 yamemalizwa; 80 mengine ni yenye kujengwa.
6 Je! ongezeko hilo katika Ulaya ya Mashariki halileti shangwe katika mioyo yetu? Mahali popote tunapoishi, upanuzi wa ibada ya kweli unatukumbusha kwamba Mungu hana upendeleo na kwamba uvumilivu wake utamaanisha wokovu kwa “umati mkubwa.” (Ufu. 7:9; 2 Pet. 3:9) Ni pendeleo kama nini kwetu kushiriki kwa njia ndogo kuchangia katika ukuzi wa kiroho wa tengenezo! Mezali 28:27 latuhakikishia kwamba “yeye anayewapa maskini hatahitaji kitu.” Kutaka kwetu kusaidia kulipia gharama hizo za ujenzi kunatokeza “usawazisho” wa vitu vya kimwili, kukiwezesha wote kupata furaha inayotokana na kutoa, na shangwe inayotokana na kuona ibada ya kweli ikipanuka ulimwenguni pote.—2 Kor. 8:14, 15; Mdo. 20:35.
[Pictures on page 3]
Săcele, Rumania
Maardu, Estonia
Sevnica, Slovenia
Tiszavasvári, Hungaria
[Pictures on page 4]
Jurmala, Latvia
Taurage, Lithuania
Tallinn, Estonia
[Pictures on page 5]
Prievidza, Slovakia
Mátészalka, Hungaria
Belgrade, Yugoslavia
[Pictures on page 6]
Ruma, Yugoslavia
Vranov nad Topl’ou, Slovakia
Tornakalns, Latvia