Je, Wewe Utakuwa Painia Musaidizi?

1. Sababu gani kipindi cha Ukumbusho ni wakati muzuri wa kuhubiri zaidi?

¹ Kipindi cha Ukumbusho ni wakati muzuri wa kuhubiri zaidi. Huo ni wakati ambao tunatafakari juu ya upendo mukubwa ambao Yehova alituonyesha kwa kumutoa mwana wake kuwa zabihu ya ukombozi. (Yoh. 3:16) Tunakuwa wenye shukrani sana kwa Yehova kwa sababu ya mambo aliyotufanyia, kwa hiyo tunatamani zaidi kuwaelezea wengine kuhusu mambo ambayo Yehova anawafanyia wanadamu sasa. (Isa. 12:4, 5; Luka 6:45) Pia, ni wakati wa kushiriki katika kampanye ya kuwaalika watu tunaojuana nao na watu wa eneo ili wahuzurie Ukumbusho pamoja nasi. Kisha, tunajikaza kuwasaidia wale waliohuzuria ili wapendezwe zaidi. Je, wewe utahubiri zaidi kwa kuwa painia musaidizi katika Mwezi wa 3, wa 4, na wa 5?

2. Sababu gani Mwezi wa 3 utakuwa mwezi unaofaa zaidi ili kuwa painia musaidizi?

² Fanya Mwezi wa 3 Uwe wa Pekee: Mwezi wa 3 utakuwa mwezi unaofaa zaidi ili kuwa painia musaidizi. Wale watakaokuwa mapainia wasaidizi mwezi huo wataamua ikiwa watahubiri saa 30 ao 50. Mwangalizi wa muzunguko akiwatembelea mwezi huo, mapainia wasaidizi watahuzuria mukutano wote ambao mwangalizi anafanya pamoja na mapainia wa kawaida na wa pekee. Mwaka huu, kampanye ya kuwaalika watu kwenye Ukumbusho utakaofanywa tarehe 26 Mwezi wa 3, itakuwa ndefu kuliko miaka iliyopita; kampanye hiyo itaanza tarere 1 Mwezi wa 3. Pia, Mwezi wa 3 una Siku za Posho tano na Siku za Yenga tano. Unaweza kufikiria kwa uzito ikiwa unaweza kuwa painia musaidizi ili kufanya mwezi huo kuwa wa pekee katika mwaka?

3. Namna gani tunaweza kufanya mipango ili kuhubiri zaidi?

³ Ujitayarishe Tangu Sasa: Sasa ndio wakati wa kuchunguza programu yako na kuona mabadiliko unayopaswa kufanya ili kuwa painia. Itakuwa vizuri ikiwa washiriki wa familia wanaungana mukono. Kwa hiyo, wakati wa Ibada ya Familia, ni vizuri kuchukua muda fulani ili kuzungumuzia miradi ya familia na kufanya programu fulani. (Met. 5:22) Ikiwa haitawezekana uwe painia musaidizi, usivunjike moyo. Je, unaweza kubadili programu yako ili uhubiri zaidi siku ambazo unatoka katika mahubiri? Je, unaweza kuhubiri siku ya zaidi katika juma?

4. Tutapata faida gani ikiwa tunahubiri zaidi katika Mwezi wa 3, wa 4, na wa 5?

⁴ Ikiwa tunahubiri zaidi katika Mwezi wa 3, wa 4, na wa 5, tutapata furaha na kutosheka zaidi kwa sababu tunajua kwamba tunamutumikia Yehova na tunawasaidia wengine. (Yoh. 4:34; Mdo 20:35) Jambo la maana zaidi, kwa kujitoa hivyo, tunafurahisha moyo wa Yehova.​—Met. 27:11.