Tufurahie Ongezeko Ambalo Mungu Anatutolea
1 Wakristo wa karne ya kwanza walikuwa wahubiri wa Ufalme wenye juhudi. Walikuwa wakifurahi sana wakati ‘makutaniko yaliendelea kuongezeka idadi siku baada ya siku.’ (Mdo. 16:5) Mahubiri yao yenye uhodari yalitawanyika katika Esia, Ulaya na katika Afrika, jambo ambalo lilitokeza mavuno makubwa ya waamini.
2 Yesu alitangaza kwamba wakati wa siku za mwisho kazi ya kuhubiri itafikia ‘dunia yote inayokaliwa na kwa mataifa yote!’ (Mt. 24:14) Muda wa mwaka wa utumishi 1996, tulipokea ripoti kutoka katika nchi mbalimbali ulimwenguni pote zinazoonyesha ongezeko la ajabu na vilele vipya vya wahubiri. Makutaniko mengi yaliundwa. Kwa sababu ya ongozeko hilo la haraka, ni jambo la lazima kujenga mamia ya Majumba ya Ufalme na Majumba ya makusanyiko na pia kupanua matawi mengi.
3 Huduma Yetu ya Ufalme ya Agosti 1996 ilikuwa ikisema juu ya ulazima wa kazi ya ujenzi inayofanyika katika Afrika. Ni vivyo hivyo sasa katika Amerika ya Kilatini. Kwa mwaka wa utumishi 1996, Meksiko inaripoti kilele chenye kushangaza cha wahubiri 470,098 na wastani wa mafunzo ya Biblia 600,751, jambo ambalo liliomba kuundwa kwa makutaniko mapya 466! Inatazamiwa kwamba mpanuko wa majengo ya tawi ya Meksiko umalizike mwishoni mwa 1998. Kwa kuwa tunaona ongezeko kama hilohilo katika nchi nyingine, kuna sikuzote mradi wa ujenzi wa kitheokrasi mwakani.
4 Mahali pote bei za ujenzi ni za juu, na katika nchi nyingi ndugu zetu hawana vitu vingi vya kimwili. Hata hivyo, wakiwa wenye kuchochewa na juhudi nyingi katika utumishi wa Yehova, hakuna shaka kwamba wanaendelea kuongezeka kiroho na ni wengi zaidi na zaidi. Mithali 28:27 inatupatia uhakika wa kwamba yeye “anayewapa masikini hatahitaji kitu.” Kwa kuwa tayari kutegemeza kifedha miradi ya ujenzi, tutawezesha “usawazisho” ufanyike katika upande wa kimwili. Hivyo, kila mmoja ataweza kupata furaha ya kutoa na shangwe ya kuona ongezeko ambalo Yehova anatutolea!—2 Kor. 8:14, 15; Mdo. 20:35.
[Captions on page 4]
Tawi la Paraguai
Majengo ya tawi la Uruguai katika ujenzi
Tawi la Ekwadori
Majengo mapya ya tawi la Meksiko
Tawi la Jamuhuri ya Dominika
Majengo mapya ya tawi la Brazili
[Caption on page 5]
Majumba ya Ufalme vielelezo ya bei ya chini katika Amerika ya Kilatini
1. Brazili, 2. Nikaragua, 3. Chile, 4. Kolombia, 5. Meksiko,
6. Brazili, 7. Peru, 8. Venezuela, 9. Meksiko