Дарси 15

Ба дигарон кӯмак намоед, то онҳо низ иродаи Худоро иҷро намоянд

Чаро ба дигарон дар бораи он чи ки меомӯзед, нақл бояд кард? (1)

Ба кӣ мавъиза карда метавонед? (2)

Рафтори шумо чӣ гуна ба дигарон таъсир карда метавонад? (2)

Кай шумо метавонед ҳамроҳи ҷамъомад мавъиза кунед? (3)

1. Ҳоло шумо маълумоти хубу зиёде аз Китоби Муқаддас омӯхтед. Ин дониш бояд шуморо бар он барангезад, ки шахсияти масеҳиро дар худ инкишоф диҳед (Эфсӯсиён 4:22-24). Доштани ин гуна дониш барои дастрас кардани ҳаёти ҷовидона зарур аст (Юҳанно 17:3). Дигарон низ бояд хушхабарро бишнаванд, то онҳо ҳам наҷот ёфта тавонанд. Ҳамаи масеҳиёни ҳақиқӣ бояд ба дигарон шаҳодат диҳанд. Ин фармудаи Худост (Румиён 10:10; 1 Қӯринтиён 9:16; 1 Тимотиюс 4:16).

2. Метавонед аз он оғоз кунед, ки ба наздикони худ маълумоти хуби омӯхтаатонро нақл кунед. Ин маълумотро ба аҳли оилаи худ, ба дӯстон, ҳамдарсон ва ҳамкорони худ нақл кунед. Дар вақти нақл кардан меҳрубон ва босабр бошед (2 Тимотиюс 2:24, 25). Ба хотир дошта бошед, ки одатан одамон назар ба гуфтаҳо бештар ба рафтори одам менигаранд. Бинобар ин, мумкин аст, рафтори хуби шумо дигаронро ба хабаре, ки ба онҳо мегӯед, ҷалб намояд (Матто 5:16; 1 Петрус 3:1, 2, 16).

3. Бо гузашти вақт, эҳтимол шумо ҳуқуқи мавъиза карданро бо ҷамъомади Шоҳидони Яҳува, дар маҳалли худ, соҳиб гардед. Ин амал қадами муҳиме дар пешрафти шумо аст (Матто 24:14). Чӣ хурсандиест, агар ба касе ёрӣ диҳед, ки ходими Яҳува гардад ва ба сӯи ҳаёти ҷовидона роҳнамун шавад! (1 Таслӯникиён 2:19, 20).