Воқеа аз «Солномаи 2015» (рус.), саҳ. 87, сарх. 1, 2

Саршавии кори мавъиза

1 апрели соли 1945 хатмкунандагони Мактаби Ҷилъод, Ленарт ва Вирҷиния Джонсон ба пойтахти Ҷумҳурии Доминика, шаҳри Сюдад-Трухилио (Санто-Домингаи ҳозира) омаданд. Ин аввалин шоҳидоне буданд, ки ба кишвари бо ҷангу муҳорибаҳои бераҳмонаву бепоёнаш дар таърих шинохта шуда, қадам гузоштаанд. Дар «Солномаи 1946» чунин омадааст: «Дар ҳақиқат, барои пешравон дар ин ҷо кор бисёр аст. Аз ин рӯ ба хатмкунандагон лозим меомад, ки кори мавъизаро аз аввал сар кунанд». Танҳо тасаввур кунед: дар мамлакат на филиал, на Толорҳои Салтанат, на ҷамъомад буд. Ҳатто худи миссионерон касеро намешинохтанд, ба забони испанӣ бошад базӯр гап мезаданд. Ба замми ин, онҳо на хонаву на дар доштанд. Корро аз куҷо сар мекарда бошанд?

«Мо дар меҳмонхонаи “Виктория” ҷобаҷо шудем, нархи як шабонарӯз он ҷо бо хӯрду хӯрокаш 5 доллар буд,— мегӯяд Ленарт.— Худи ҳамон рӯз баъди нисфирӯзӣ омӯзиши аввалинамонро сар кардем. Кор ин хел сар шуд: ду зане аз Доминика, ки ҳамроҳашон дар Бруклин омӯзиш мекардем, ба мо суроғаи хешутабор ва шиносонашонро доданд. Дар байни онҳо духтуре бо номи Грин буд. Дар хонаи ӯ мо бо ҳамсояаш Мозес Роллинзон ҳамсӯҳбат шудем. Вақте онҳо фаҳмиданд, ки ба мо суроғаашонро кӣ додааст, хушхабари Салтанатро бодиққат гӯш карда ба омӯзиш розӣ шуданд. Баъдтар дар ин маҳалл Мозес аввалин воизи Салтанат шуд».