Муносибати бо Яҳува доштаатонро қадр кунед

Шоҳидони Яҳува чизи пурарзише доранд. Мо, масеҳиён, худро ба Худо бахшида таъмид гирифтаем ва ҳар якеамон бо Яҳува муносибатҳои шахсӣ дорем, ки онҳоро рӯз аз рӯз мустаҳкам мекунем. Яҳува моро ба воситаи Писараш ба худ ҷалб кардааст (Юҳ 6:44). Ӯ ба дуоҳои мо гӯш медиҳад (Зб 33:16).

Чӣ тавр муносибатҳои пурарзишеро, ки бо Яҳува дорем, ҳифз карда метавонем? Пеш аз ҳама мо бояд ба хатоҳое, ки исроилиён карданд, даст назанем. Исроилиён чанде пас аз он ки бо Яҳува аҳд баста халқи махсуси Ӯ гаштанд, гӯсолаи тиллоӣ сохтанду ба бутпарастӣ даст заданд (Хр 32:7, 8; 1Қр 10:7, 11, 14). Мо аз худ пурсида метавонем: «Вақте дар ман хоҳиши кардани кори нодуруст пайдо мешавад, чӣ кор мекунам? Оё амалҳои ман нишон медиҳанд, ки муносибати бо Яҳува доштаамро қадр мекунам?» Муҳаббати чуқур ба Падари осмониамон ёрдам мекунад, то аз чизҳое, ки Ӯ нафрат дорад, дур шавем (Зб 96:10).

ВИДЕОНАВОРИ «МУНОСИБАТИ БО ЯҲУВА ДОШТААТОНРО ҚАДР КУНЕД (ҚЛ 3:5)»-РО ТАМОШО КУНЕД ВА БАЪД БА САВОЛҲОИ ЗЕРИН ҶАВОБ ДИҲЕД:

• Чашмгуруснагӣ ё баднафсӣ чист?

• Чаро мо бояд аз чашмгуруснагӣ ва бутпарастӣ дурӣ ҷӯем?

• Байни бутпарастӣ ва зинокорӣ чӣ алоқамандие ҳаст?

• Чаро махсусан бародарони масъул бояд дар бораи ниёзҳои ҳамсарашон ғамхорӣ кунанд?