Дигаргуниҳои баваҷдоваранда оиди «Бурҷи дидбонӣ»!
1 Имсол ба ҷамъомадҳо эълони баваҷдоварандае расид: Аз январи соли 2008 Бурҷи дидбонӣ бо ду нашри гуногун ба чоп мерасад, яке барои омма ва дигаре барои бародарияти ҳамимонамон! Шояд шумо ба ҳайрат афтодед, ки “Чӣ гуна ду маҷалла аз ҳам фарқ хоҳанд кард? Ин нашри ҷудогона чӣ афзалиятҳо дорад? Оё ягон хусусиятҳои наверо интизор бояд буд?”.
2 Фарқиятҳо. Маҷаллаи аввали моҳ Нашри Оммавӣ хоҳад буд. Тамоми мақолаҳои ин нашр бо назардошти муфидият бар ҳама тайёр мешаванд. Маҷаллаи мансуб ба рӯзи 15–уми моҳ чун нашр барои омӯзиш буда, дар хидмати мавъиза пешниҳод намегардад. Он тамоми мақолаҳои омӯзишии моҳ ва ҳамчунин мақолаҳои иловагиеро дар бар мегирад, ки барои ходимони ба Худо бахшидашуда равона шудаанд. Нашри Оммавии Бурҷи дидбонӣ на фақат барои Шоҳидони Яҳува, балки хусусан барои онҳое, ки Шоҳид нестанд, аммо шояд ба Китоби Муқаддас эҳтиром доранд, чоп мегардад. Аз ҷониби дигар, маҷаллаи Бедор шавед! ҳанӯз ҳам барои доираи васеътари хонандагон, аз он ҷумла скептикҳо ва пайравони динҳои дигар пешниҳод мешавад.
3 Афзалиятҳо. Дар Нашри Омӯзишӣ фаҳмонидани терминҳои мисли “пешгом” барои онҳое, ки Шоҳид нестанд, дигар лозим нахоҳад шуд. Ин нашр ҳамчунин метавонад маълумотеро дошта бошад, ки махсус барои Шоҳидони Яҳува ва он омӯзандагони Китоби Муқаддас, ки пешрафти рӯҳонӣ доранд, тайёр шудааст. Нашри Оммавӣ чӣ? Азбаски мавзӯъҳо ва услуби навиштан барои омма равона мешавад, онҳое ки Шоҳид нестанд, аз пурра хонда баромадани маҷалла баҳра мегиранд. Албатта, хондани ҳар нашр барои ҳар як Шоҳиди Яҳува муфид хоҳад буд. Тӯли моҳ мо дар мавъиза фақат як Бурҷи дидбонӣ бо як Бедор шавед! пешниҳод мекунем, аз ин рӯ мо як моҳи тамом барои тайёр кардани пешниҳоди хуби маҷаллаҳо дорем.
4 Хусусиятҳои нав. Баъзе хусусиятҳои нави баваҷдоварандае барои Нашри Оммавии Бурҷи дидбонӣ ба нақша гирифта шудаанд. Дар яке аз онҳо таълимоти асосии Китоби Муқаддас ба таври оддӣ муҳокима мегардад. Дигаре аз онҳо нишон медиҳад, ки чӣ тавр Китоби Муқаддас ба оилаҳо кӯмак расонида метавонад. Барои ҷавонон барномаҳои омӯзиши Китоби Муқаддас пешниҳод мешаванд. Ҳар як нашр дорои мақолае хоҳад буд, ки он ба нақлҳои махсуси Китоби Муқаддас, ки ба мо дар бораи шахсияти Яҳува чизеро меомӯзонанд, рӯшанӣ меандозад.
5 Мо дуо мекунем, ки Яҳува ин қарордоди навро оиди Бурҷи дидбонӣ баракат диҳад. Бигзор ин маҷалла бо ҳамроҳии Бедор шавед! ба касони зиёди арзанда пайёми Салтанатро бирасонад! — Мат. 10:11.