Ҳамаи инро барои хушхабар бояд кард
1. Воизони Салтанат чӣ кор кардан мехоҳанд ва чаро?
1 Павлуси расул дарк мекард, ки ӯ ӯҳдадор аст, ки ба дигарон башорат (хушхабар) диҳад (1 Қӯр. 9:16, 19, 23). Ба монанди ин, мо низ барои беҳбудии ҷовидонаи одамон ғамхорӣ намуда, бо ҳар роҳ мекӯшем, ки хушхабарро ба онҳо мавъиза кунем.
2. Чӣ тавр шумо реҷаи хидматро дигар карда метавонед ва чаро ин хеле муҳим аст?
2 Дар куҷо ва дар кадом вақт мавъиза бояд кард. Моҳигири бомаҳорат дар он вақт ва дар он ҷой шаст ё тӯрро меандозад, ки барои доштани моҳӣ қулай аст. Мо низ чун «сайёди мардум» метавонем дар реҷаамон баъзе дигаргуниҳо дароварем, то ки одамонро дар маҳалли худ вохӯремва «ҳар навъ моҳӣ»-ро ба хурсандӣ ҷамъ оварем (Мат. 4:19; 13:47). Оё шумо метавонистед бегоҳ, ҳангоми аз кор ба хона баргаштани одамон ё саҳар, вақте ки ба кор мераванд, ба онҳо дар кӯча оқилона мавъиза кунед? Павлус кӯшиш менамуд, ки «дар бораи хушхабар ... пурра шаҳодат [диҳад]», аз ин рӯ ҳамаи имкониятҳоро истифода мебурд (Аъм. 17:17; 20:20, 24 ТДН).
3, 4. Мо дар хидмати худ чӣ дигаргуние дароварда метавонем ва ба шарофати ин чиро ба даст меорем?
3 Пешниҳодатонро ба ниёзҳои одамон мувофиқ созед. Вобаста аз намуди моҳӣ, моҳигир тарзҳои моҳидориашро тез–тез дигар мекунад. Чӣ гуна мо бояд хушхабарро мавъиза кунем, то ки он одамони маҳалламонро шавқманд гардонад? Барои ин мо метавонем боодобона мавзӯеро, ки аксари одамони маҳалламонро ба ташвиш меорад бардорем, сипас фикри онҳоро дар ин бора бодиққат гӯш кунем (Яъқ. 1:19). Барои сар кардани сӯҳбат, метавон бо додани савол нуқтаи назари одамонро пурсид (Мас. 20:5). Ҳамин тавр метавонем пешниҳодоти худро барои ба дили шахс таъсир расондан, мувофиқ созем. Дар ин бора Павлус гуфт: «Барои ҳама кас ман ҳама чиз шудам» (1 Қӯр. 9:22). Тағйирпазирӣ ва ба одамон мувофиқ кардани пешниҳодотамон метавонад ба дили онҳо таъсир расонад.
4 Чӣ хурсандиовар аст, ки мо ба одамон «аз сулҳу осоиштагӣ башорат» медиҳем! (Иш. 52:7). Мо ҳама чизро барои хушхабар карда истодаем, то ки онро ҳар чӣ бештари одамон қабул кунанд (1 Қӯр. 9:23).