Пешниҳодот барои мавъиза

◼ “Баъзан аз таъсири дигарон, дуруст рафтор кардан душвор аст. Ба фикри шумо чӣ ба мо кӯмак мерасонад, ки ба ин таъсир дода нашавем? [Ба ҷавоб гӯш диҳед. Сипас Масалҳо 29:25-ро хонед.] Дар Каломи Худо бисёр сабабҳое оварда шудаанд, ки чаро мо на ин ки писанди одамон, балки писанди Худо бошем”. Аз Китоби Муқаддас як ё ду сабабро нишон диҳед (ба мақолаи «Бурҷи дидбонӣ» (рус.), аз 1 марти с. 2008, ки аз саҳ. 12 сар мешавад, нигаред).

◼ “Ҳар яки мо мехоҳем, ки дӯстони ҳақиқӣ дошта бошем. Шумо кадом хислатҳоро дар дӯстатон қадр мекунед? [Ба ҷавоб гӯш диҳед.] Диққат диҳед, ки Китоби Муқаддас дар ин бора чӣ мегӯяд. [Масалҳо 17:17-ро хонед.] Китоби Муқаддас барои дӯстони ҳақиқӣ пайдо кардан ва чӣ гуна худамон дӯсти хуб буда метавонем, бисёр маслиҳатҳои амалӣ медиҳад”. Як ё ду оятро дар ин мавзӯъ нишон диҳед (ба мақолаи «Бедор шавед!» (рус.), аз 18 марти с. 2009, ки аз саҳ. 18 сар мешавад, нигаред).

◼ “Оиди ин суханони Исо фикри шуморо фаҳмидан мехостам. [Юҳанно 3:3-ро хонед.] Ба фикри шумо аз нав таваллуд шудан чӣ маъно дорад? [Ба ҷавоб гӯш диҳед.] Аз дуруст фаҳмидани ин суханони Исо ҳаёт ва ояндаамон вобаста аст. Китоби Муқаддас сабаби инро мефаҳмонад” (ба «Бурҷи дидбонӣ» (рус.), аз 1 апрели с. 2009 нигаред).

◼ “Бисёр мактаббачагон зери фишор (стресс) қарор мегиранд? Ба фикри шумо, оё аз давраҳое, ки волидонашон таҳсил мекарданд, ягон дигаргуние ба амал омадааст? [Ба ҷавоб гӯш диҳед.] Фишори аз ҳад зиёд, хатарнок аст. [Воиз 7:7а-ро хонед.] Чӣ гуна калонсолон ба ҷавонон кӯмак расонда метавонанд?” (ба «Бедор шавед!» (рус.), аз моҳи апрели с. 2009 нигаред).