Маҳорати худро дар хизмат беҳтар мегардонем. Дар минтақаатон ба ҳамаи одамон мавъиза кунед

ЧАРО ИН МУҲИМ АСТ? Закарё пешгӯйӣ карда буд, ки одамон аз ҳамаи забонҳо ва халқҳо хушхабарро қабул мекунанд (Зк 8:23). Вале кӣ онҳоро таълим медиҳад? (Рм 10:13–15). Яҳува ба мо супориш додааст, то дар минтақаамон ба ҳамаи одамон мавъиза кунем. Ин ҳам имконияти олиҷаноб ва ҳам ӯҳдадории мо мебошад (od-U саҳ. 84, сарх. 10, 11).

ИНРО ЧӢ ТАВР БОЯД КАРД?

• Тайёрӣ бинед. Оё шумо дар хизмат одамонеро вомехӯред, ки ба дигар забон гап мезананд? Барои омӯхтани пешниҳоди одӣ шумо метавонед барномаи JW Language-ро истифода баред. Ё ба воситаи таҷҳизоти электронӣ ба шахс нишон диҳед, ки чӣ тавр ӯ бо забони худ аз jw.org маълумоти бештар ёфта метавонад

• Мушоҳидакор бошед. Агар шумо дар хизмати хона ба хона иштирок кунед, имконияти ба ҳама мавъиза карданро аз даст надиҳед. Масалан, ба одамоне, ки аз наздатон мегузаранд ва ба онҳое, ки дар даруни мошин интизоранд, хушхабарро расонед. Вақте дар ҷойҳои ҷамъиятӣ мавъиза мекунед, бодиққат бошед ва мақсади худро фаромӯш накунед

• Боғайрат бошед. Ҳаракат кунед, то бо касоне, ки бори аввал дар хона наёфтед, ҳамсӯҳбат шавед. Кӯшиш кунед, ки дар ҳар хонае ақаллан бо ягон кас гап занед. Барои ҳамин шояд ба шумо лозим ояд, ки дар вақту рӯзҳои гуногун биёед. Ба баъзе соҳибхонаҳо шумо метавонед ба воситаи нома, телефон ё ҳангоми дар кӯча мавъиза кардан, хушхабарро расонед

• Корро то охир баред. Шахсеро, ки шавқ зоҳир кардааст, ҳар чӣ зудтар хабар гиред. Агар одам бо забони дигар гап занад, кӯшиш кунед, то воизеро ёбед, ки забони ӯро мефаҳмад. То вақте ки соҳибхона бо он воиз вонахӯрад, хабар гирифтани ӯро давом диҳед (od-U саҳ. 94, сарх. 39, 40)

ВИДЕОНАВОРИ «МАВЪИЗА ДАР ҶОЙИ ДУРДАСТ»-РО ТАМОШО КУНЕД ВА БА САВОЛҲОИ ЗЕРИН ҶАВОБ ДИҲЕД:

• Чӣ тавр бародарону хоҳарон барои дар ҷойи дурдаст мавъиза кардан тайёрӣ диданд? (1Қр 9:22, 23)

• Кадом душвориҳоро онҳо паси сар карданд?

• Кадом баракатҳоро онҳо соҳиб шуданд?

• Шумо чӣ кор карда метавонед, то дар минтақаатон бо одамони бештар ҳамсӯҳбат шавед?