Оё шумо давом медиҳед?

Ҳангоми хизмати мавъиза баъзе воизон одатан дар вақти муайян, эҳтимол нисфирӯзӣ, хизмат карданро бас мекунанд. Албатта, вазъияти баъзеҳо шояд талаб намояд, ки хизматро дар он соат тамом кунанд. Вале, агар шумо имконият дошта бошед, оё мавъиза карданро давом медиҳед? Ё танҳо аз сабаби хизматро тамом кардани дигарон ё аз сабаби он ки дар маҳалли шумо дар вақти муайян бас кардани хизмат одат шудааст, мавъиза намекунед? Оё шумо метавонед хизмати худро каме давом дода, дар намудҳои дигари хизмат иштирок кунед, масалан, дар кӯча мавъиза намоед ё дар минтақаатон ба як-ду хона ташриф оред? Ҳамчунин оё метавонед ҳангоми ба хона раҳсипор шудан як ё ду боздид кунед? Тасаввур намоед, ки чӣ қадар хубтар мебуд, агар мо пеш аз анҷом додани хизмати худ ақаллан як нафари шавқмандро дар хонааш дарёфт мекардем ё ин ки бо соҳибхона ё роҳгузаре боз як сӯҳбати хуби дигаре меоростем! Камтари дигар хизматамонро давом дода, мо ба осонӣ боз ҳам бештар «қурбонии шукрона» хоҳем овард (Ибр. 13:15).