2 Петрус

2 Эмма ысрайыл халкында ялан пыгамберлериң болшы ялы, сизиң хем араңызда ялан мугаллымлар дөрәр. Олар бөлүнишик* дөредйән таглыматлары ассырынлык билен гиризип, иманыңызы ёк эдерлер. Хатда олар өзлерини сатын алан хоҗайынындан хем йүз өврүп, тизден гелҗек хеләкчилиги өз башына индирерлер. 2 Көп адамлар оларың хаясыз* ишлерине эерерлер ве шейле адамлар зерарлы хакыкат ёлуна дил етирилер. 3 Шейле-де олар ялан сөзләп, сизи ачгөзлүк билен уланарлар. Эмма олара өңден бәри чыкарылан хөкүм гиҗикмән гелер, олар хөкман ёк эдилер.

4 Худай гүнә эден перишделери җезаландырмакдан эл чекмеди, гайтам, эдилҗек хөкүме ченли олары түм-гараңкылыга баглап*, Тартара* зыңды. 5 Шейле-де ол гадымы дүнйәни ёк этмекден эл чекмәнди. Эмма дүнйәдәки худайсыз адамлары тупан билен ёк эденде, догрулыгы вагыз эден Нухы ве онуң билен еди адамы халас этди. 6 Худай Содом билен Гоморра шәхерлерини-де күле өврүп, олары җезаландырды. Шейдип, ол худайсыз адамлара нәме болҗакдыгыны дуйдурды*. 7 Шейле-де Худай догры адам болан Луты халас этди, себәби ол канунсыз адамларың хаясыз ишлерини* гөрүп, өрән эҗир чекйәрди. 8 Бу догры адам эрбетлериң арасында яшап, оларың эдйән залым ишлерини гөрйәрди ве эшидйәрди. Шол себәпли ол хер гүн җебир чекйәрди. 9 Хава, Ехова* Өзүне вепалы адамлары сынагларда нәдип халас этмелидигини, догры дәллери болса хөкүм гүнүнде нәдип ёк этмелидигини* билйәндир. 10 Худай, эсасан-да, башгаларың беденини ахлаксызлык билен хапаламага чалышянлары ве ёлбашчы доганлары әсгермейәнлери* нәдип ёк этмелидигини билйәндир.

Бу бихая ве өздиенли адамлар Худайың хорматланларына сөгмәге горкмаярлар. 11 Перишделер хас укыплы ве ыгтыярлы болсалар-да, Ехованы* хорматлаяндыклары үчин бу ялан мугаллымлары гүнәкәрләп, олара гаршы эрбет сөзлери айтмадылар. 12 Эмма ол адамлар билмейән затларына дил етирйәрлер. Олар тутулып хеләк эдилмек үчин доглан дүшүнҗесиз хайванлар ялы залым ишлери себәпли ёк эдилерлер. 13 Олар өз эдйән эрбет ишлери зерарлы зыян чекйәрлер.

Хатда гүндизиң гүни олар кейпи-сапа ковалашмак ислейәрлер. Олар хапаланан ве бозук адамлардыр. Сизиң билен отурылышыкларда отуранларында, ялан таглыматларындан леззет алярлар. 14 Оларың гөзлери зынадан долудыр, гүнәли ишлере гаршы дуруп билмейәрлер ве иманы говшаклары* дузага дүшүрйәрлер. Йүреклерини-де ачгөзлүге өвренишдирйәрлер. Худай олары җезаландырар. 15 Олар догры ёлы ташлап азашдылар. Нәдогры иш үчин сылаг алмак ислән* Бегорың оглы Баламың ызына эердилер. 16 Эмма оңа догрулыгы бозандыгы үчин кәйинч берилди. Гепләп билмейән эшек ынсан дилинде гепләп, бу пыгамбери акылсыз ёлундан алып галыпды.

17 Олар сувсуз чешмелердир, гүйчли ел билен ковулян сувсуз булутлардыр. Олара түм-гараңкылык гарашяндыр. 18 Олар тәсирли геплейән болсалар-да, манысыз затлары айдярлар. Гүнәли ёлдан яңы эл чекен адамлары тен хөвеслер ве хаясыз* ишлер аркалы дузага салярлар. 19 Олар азатлыгы вада берйәрлер, өзлери болса бозуклыгың гулларыдыр. Себәби адам кимден* еңилсе, шонуң хем гулы боляндыр. 20 Догрудан-да, адам Халыпамыз ве Халасгәримиз Иса Месих барада догры билим алып, дүнйәниң хапалыгындан чыкса, йөне соңра өңки ишлерине доланып, олара өзүни алдырса, онда онуң соңкы ягдайы өңкүсинден-де хас бетер боляндыр. 21 Ол мукаддес табшырыгы билип-де, ондан дәненинден, хакыкат* ёлы барада догры билими алмадык болса хас говы боларды. 22 «Ит өз гусан задыны иймәге доланып гелйәр, ювлан доңуз хем хапа батгасында ятяр» дийлен накыл оларда ерине етйәр.