Tanong

● Kapag lumipat ang isang mamamahayag sa ibang lugar, ano ang dapat gawin upang makatulong sa paglipat sa isang bagong kongregasyon?

Kapag ang isang mamamahayag ay dumating buhat sa ibang kongregasyon, dapat na kunin ng kalihim sa kongregasyon mula sa mamamahayag ang pangalan ng kaniyang dating kongregasyon at ang pangalan at direksiyon ng kalihim ng kongregasyong iyon. Kailangang sulatan niya kaagad ang kalihim, at hilingin ang Publisher Record Card at ang liham na nagpapakilala sa kaniya. Ang kalihim na tatanggap ng kahilingang ito ay dapat na sumagot nang walang pagkaantala.—Tingnan ang Organisado Upang Ganapin ang Ating Ministeryo, pahina 104-5.

Ang mamamahayag na nagpaplanong lumipat ay makatutulong sa pamamagitan ng pagtiyak sa tamang pangalan ng kongregasyong kaniyang pinanggalingan at ang pangalan at direksiyon ng kalihim. Pagkatapos, kapag siya’y dumating sa bagong kongregasyon, ang impormasyong ito ay maaaring ibigay sa kalihim upang kaagad niyang maasikaso ito. Ang mga ulat sa paglilingkod sa larangan na ibinigay sa bagong kongregasyon ay maaaring ingatan hanggang sa matanggap ang record card. Sa gayo’y maaaring itala sa record card ang paglilingkod ng mamamahayag at ilakip iyon sa ulat ng kongregasyon sa susunod na buwan.

Sa ilang pangyayari ay maaaring alam ng mamamahayag ang pangalan at direksiyon ng kalihim ng kongregasyong kaniyang lilipatan. Kung gayon, hindi na kakailanganing maghintay pa ang mga matatanda. Ang rekord ng paglilingkod ng mamamahayag at liham na nagpapakilala sa kaniya ay maaaring ipadala kaagad sa kalihim ng kongregasyon na doon uugnay ang mamamahayag.