Kakɔna Kata Bible?

Onde losembwe la mɛtɛ layonga lushi lɔmɔtshi la nkɛtɛ?

Ngande wayoyokadimola?

• Eelo

• Ndooko

• Ondo

Kɛnɛ kata Bible

“Dimi mbeyaka dia Jehowa ayosambɛ ɔmɛnyi mfɔnu ndo ayosambolɛ ase wola la losembwe.” (Osambo 140:12) Diolelo diaki Nzambi diayela losembwe la mɛtɛ la nkɛtɛ.

Naa awui akina wakokaso mbeka oma lo Bible?

• Nzambi ekɔ lo mɛna wɛngiya wasalema l’andja ɔnɛ ɛlɔ kɛnɛ ndo nde ayonya wɛngiya akɔ.​—Ondaki 5:8.

• Losembwe laki Nzambi mbayela wɔladi ndo lotui tshitshi la nkɛtɛ.​—Isaya 32:16-18.

Onde Nzambi sukɛka olui ɔmɔtshi w’anto ko hasukɛ okina?

Anto amɔtshi fɔnyaka dia Nzambi ambɔtshɔkɔlaka kana ambodjaka elui ɛmɔtshi w’anto mananu etena kele anto akina fɔnyaka dia Nzambi salɛka anto tshɛ akambo woho akɔ waamɛ. Kakɔna kafɔnyayɛ?

Kɛnɛ kata Bible

“Nzambi keema la shɔnɔdi, koko lo wedja tshɛ, onto lawoka wɔma ndo lasala akambo w’ɛlɔlɔ mbetawɔmaka le nde.” (Etsha 10:34, 35) Le Nzambi, anto tshɛ wekɔ woho ɔtɔi.

Naa awui akina wakokaso mbeka oma lo Bible?

• Bible kekɔ la “lokumu l’ɔlɔlɔ” lendana la “wedja tshɛ ndo waoho tshɛ ndo ɛtɛkɛta tshɛ ndo nkoho y’alemba tshɛ.”​—Ɛnyɛlɔ 14:6.