Mbɔtɔ lo sanganya: ɔkɛndɛ a woke

¹ Onde wɛ mɛnaka ɔnɛ mbɔtɔ lo sanganya ekɔ dui di’ohomba oka? Onde ɔsɔ kema dimbola di’oshika oka? Efula ka l’atei aso fɔnyaka ɔnɛ vɔ mbɔsaka sanganya l’oshinga a wolo. Koko, alapɔlɔ mɛnyaka ɔnɛ lo tshumanelo efula, lofulo l’anto wɔtɔ lo sanganya ambokitakita nshi nyɛ. Onde olimu wele kema ohomba, ɔlɛmbɛlɔ, ɛkɛndɛ ɛmɔtshi, demba hokɛ dimɛna kana mpokoso ka wenya shimbaka anto amɔtshi dia vɔ mbɔtɔ lo sanganya tena tshɛ oka? (Euh. 31:12) Lam’ele ɔlɛmbɛ wa Bible mbewɔ, sho tshɛ pombaka sɛdingola dimbola nɛ l’otema ɔtɔi: Onde dimɛmɛ mɛnaka ɔnɛ mbɔtɔ lo sanganya ekɔ dui di’ohomba oka?

² Anangɛso amɔtshi kɛndakɛndaka wenya efula l’etadimbo a watshu efula ndo tenyanyaka nkushi yoludi la wa kɔndɛ dia tɔtɔ lo sanganya. Ondo l’etshumanelo kaso tanemaka akristo wele la kolamelo, wanɛ wele, kânga mbewɔ l’asui a welo efula l’alemba, wekɔ tshumbe, wekɔ l’elimu walɛmbisha kana l’elimu w’alɔmbawɔ lo kalasa, ‘hawetshaka ndoko lushi.’ (Luka 2:37) Lande na kasalawɔ la weolo tshɛ di’aha mbetsha na? Ne dia vɔ mbeyaka ɔnɛ hawokoke shidiya ekakatanu watomba oma l’andja ɔnɛ lo mbɛkama weolo awɔ vɔamɛmɛ. Vɔ pombaka mbɛkama wolo washa Nzambi.​—2 Kor. 12:9, 10.

³ Nshi yaso nyɛ, tekɔ lo ndjela ɛnyɛlɔ k’akristo wa ntondo wakatshumanaka tena tshɛ dia nɔmba, dia kɔndɔla awui weta l’olimu wa sambisha ndo dia mbeka Dui dia Nzambi. (Etsha 4:23-30; 11:4-18; Kol. 4:16) Sho kondjaka olakanyelo lo kɛnɛ k’endana la wa pɔlɔfɛsi kamɛ ndo wetshelo, awui w’endana la lɔkɛwɔ l’ɔlɔlɔ kamɛ ndo etshelo w’amɛna, kamɛ nto ndo awui w’endana l’alako wakondjama la wonya dia woho wa nsɛna dimɛna tatɛ kakianɛ lo nama wetshelo wa lo Bible l’ɔlɔlɔ tshɛ. (1 Tim. 4:8) Lo wedi okina, dikongelo diaso lo kɛnɛ k’endana la ekomelo k’ekakatanu ndo k’asui keketshamaka. Ekɔ ohomba efula mongaka la dikongelo sɔ lushi tshɛ.—Heb. 6:19.

⁴ Onde nkumbo kaso mɛnaka ɔnɛ mbɔtɔ lo sanganya ekɔ dikambo di’ohomba oka? Onde dikongɛ sɔ tanemaka l’atei wa pɔlɔgalamɛ yaso woho akɔ wamɛ la olelo ndo l’olimu wa l’emunyi oka? L’akɔlɔ wasalema sanganya, onde sho sawolaka dia shikikɛ kana tayɔtɔ lo sanganya yakɔ ko kana kema, kana onde ekɔ oko ɔlɛmbɛ lo nkumbo kaso dia sho sanganaka tena tshɛ l’anangɛso oka? Apandjudi efula mbohɔka ɛnyɛlɔ kaki ambutshi awɔ w’ɛlɔlɔ wakawaodia. “La ngandji tshɛ, enondo kɛmɔtshi akohɔ ata ate: lo kɛnɛ k’endana la Mbapa, nshi tshɛ nde akasalaka dia nkumbo kaso mbɔtɔ lo sanganya. Etena kakandamaka ɔmɔtshi la hemɔ, onto okina l’atei aso akatshikalaka lande la ngelo, koko akina tshɛ wakatshɔkaka lo losanganya!”

⁵ L’atei a numɛlɔ yayoyela ya Olimu aso wa Diolelo, tayɔtɛkɛta di’ohomba wele la sanganya yakɔ ya l’etshumanelo ɔtɔi ɔtɔi woho wa nyomoleka mbɔsa akongɛ akɔ wa lo nyuma asɔ l’oshinga a wolo. Naka nyayɔkɔkɔmala la mbɔtɔ lo sanganya yakɔ, kete tayonga l’oshikikelo w’ɔnɛ, ɛtɛ w’awui akɔ asɔ ayonyokimanyia dia nyu mpotɔ ɔnɛ mɛtɛ: akambo akɔ wahandjema wekɔ ohomba. L’atei w’awui akɔ ayotanema waohwelo w’ohomba le wanɛ walɔmbɔla sanganya, ndo alako wayotohombaka sho tshɛ ndjela etena kalɔngɔsɔlaso sanganya kana kayotokambaka djimulimu mɔtshi lo sanganya yakɔ. Lande na keso hatokoke sangana l’atei a nkumbo ndo sɛdingola l’otema ɔtɔi tshɛ lɔkɛwɔ laso lo kɛnɛ k’endana la wɔtwɛlɔ aso lo sanganya na? L’ɔkɔngɔ diko, tayohomba mbela etshikitanelo ɛmɔtshi lo pɔlɔgalamɛ yaso. Mbɔtɔ lo sanganya tena tshɛ eko etenyi kɛmɔtshi ka woke efula k’endana la olakanyelo aso wa lo teokrasi ndo sho pombaka mbɔsa dui sɔ l’oshinga a wolo.