“Totombole Nzambi l’Ɔngɛnɔngɛnɔ”—Losanganya la Distrikɛ 1995
1 Ande ɔlɔ waki laso dia ndjâla l’atei w’anto 249094 wakɔtɔ lo sanganya ya distrikɛ “Wɔma wa Nzambi” yakalɔngɔswama lo mbilo kaso ɔnɔnyi wetshi, onyake Burundi, oko weyaso, oma lo akambo wakatombe lo wodja ɔsɔ lee! Lo tshɛtshɛ, anto 3162 wakalongola batismu dia mɛnya wɔma wokawɔ Nzambi. Mɛtɛ tayokeketshama lo sanganya ya distrikɛ yayaye ya nshi shato: “Totombole Nzambi l’Ɔngɛnɔngɛnɔ.” Ɔtɛ a dui ɔsɔ watotoma dia sho kana lomba pombaka tosokoya dia sho sala la weolo aso tshɛ dia sho mbɔtɔ lo sanganya ya weke shɔ kâmɛ la wanɛ weka laso Bible. Aha la mbidja tamu, sanganya shɔ yayonga kiɔkɔ mɔtshi y’ekeketshelo ka lo nyuma le onto l’onto la l’atei aso, nɛ dia sho nangaka tetemala la kambɛ Jehowa la mbetawɔ l’etena kɛnɛ k’ekomelo.
2 Nyotayalɔngɔsɔdi dimɛna k’ɔmɔ dia mbɔtɔ lo nshi shato ya dambo di’ɔlɔ dia lo nyuma sɔ, mako osambu wa mbɔtwɛlɔ polo ndo lo dɔmbɛlɔ dia ndjihelo. Lam’ayonyɔsa tɛdikɔ dia mbɔtɔ lo losanganya la woke, nyɛnya ngandji lo kanɛ wanɛ wele l’ohomba w’ekimanyielo, oko wanɛ weke ka ndjasha lo mɛtɛ, dia ndo vɔ ndjâla lawɔ pindju la dikɔlɔ tshɛ. Ayonga ohomba efula dia sɛdingola waewoyelo wele lo dikatshi nɛ kâmɛ l’anto weka laso Bible ndo wasangoya mbɔtɔ lo losanganya la woke. (Ngal. 6:6, 10) Lushi la Tanu, losanganya lakɔ layotatɛ la mishiki l’eshidi 9 la taahe 50 ndo layoshila tshal’eshidi 5 wa dikɔlɔ. Lushi la Samalo, lɔ layotatɛ l’eshidi 9 la taahe 50 ndo layoshila la dikɔlɔ tshal’eshidi 4 la taahe 50, l’ɔkɔngɔ w’osambu la dɔmbɛlɔ. Etenyi ka lushi la Lomingu la pindju kayotatɛ l’eshidi 9 la taahe 50 ndo losanganya layoyoshila la dikɔlɔ tshal’eshidi 4 la taahe 10. Waewoyelo ango wayonyokimanyiya dia nyu ndjalɔngɔsɔla dimɛna.
3 Apandjudi amɔtshi kâmɛ la an’awɔ, wekɔ l’ehomba wa lânde; lâsɔ sho pombaka mbakokɛ. Etshumanelo k’otondo, ndo djekoleko dikumanyi, pombaka mbidja yimba dia kokɛ anto asɔ koko aha tshika ɛkɛndɛ awɔ le wanɛ wakamba l’olimu wa pangia anto woye lo losanganya la woke. Dikumanyi kana ase etshumanelo akina weya akambo awɔ kokaka mɛnya ngandji lo mbakimanyiya la kɛnɛ kahombama. Tena efula dikambo sɔ mɛnyaka dia apandjudi pombaka ndjakiyanya di’ehomba w’ekambi wa lo tena ndo lo tena, w’esombe w’anto kana wanɛ wele la dikɔmɔ, ndo akina. Oko ɛnyɛlɔ, sho kokaka mbakimanyiya lo mbatɔla kana lo mbakokɛ lo weoho wotshikitanyi.—Jak. 2:15-17; 1 Joani 3:17, 18.
4 Tena efula ase losanganya tohangaka laka anto walanga. Sho pombaka mɛnya lowando laso le anangɛso l’akadiyɛso wetawɔ todjasha lawakawɔ. Ndo nto, hosungana dia anto walongolawɔ ngasɔ nanya ɔlɔlɔ ɔsɔ ndo tohika ɔnɛ wawasha luudu la ntondo kana l’ɔkɔngɔ wa losanganya. Luudu mbishamaka paka LO NSHI ya losanganya. Wanɛ washawɔ pango ngasɔ pombaka nɛmiya diangɔ diaki kanga luudu lohangiwɔ, aha nanya ndoko ɛngɔ, aha ntshɔ l’ahole wewɔ hawowaele, ndo nama dia ndo an’awɔ sala woho akɔ wâmɛ. Naka akanga a mvudu wekɔ l’okakatanu ɔmɔtshi lo dikambo sɔ, vɔ pombaka mbewoya wanɛ wakamba l’olimu wa pangia anto esadi, vɔ wayonga l’ɔngɛnɔngɛnɔ dia mbakimanyiya.
Wanɛ Wayɔtɔ lo Losanganya la Woke Lokina
5 Esangɔ efula, losanganya la woke lokelewɔ lekɔ suke la lakayɛ. Tɛdikɔ takɔsama lo ndjela lofulo l’ahole, l’ekanda, la diangɔ dia ndɛ, la mvudu ya pangia anto, ndo awui akina, lo ndjela lokanyi l’ɔnɛ apandjudi efula wayɔtɔ lo losanganya lakawelamɛ. Koko, naka wɛ pombaka mbɔtɔ lo losanganya lokina l’ɔkɔkɔ ɔmɔtshi w’oshika, kete mboka kekɔ hwe.
Ekimanyielo Kakinyu Kekɔ Ohomba Mɛtɛ
6 Ekimanyielo k’onto l’onto kekɔ ohomba di’olimu wa pangia anto kɛndakɛnda dimɛna. (Heb. 13:17) Diɔ diakɔ dialɔmbaso anto tshɛ dia vɔ kamba kâmɛ la wanɛ wakamba l’olimu wa pangia anto wakalɔngɔsɔla la Société. Ɔnkɔnɛ, tayokitshakitsha ekakatanu watokomɛ.
7 Lam’ele tekɔ lo ndjalɔngɔsɔla dia ‘tombola Nzambi l’ɔngɛnɔngɛnɔ’ kâmɛ l’anangɛso l’akadiyɛso, sho kokaka kanyiya nto di’ekimanyielo ka l’emunyi ndo ka la falanga kakokaso mbela l’ɔlɔngɔswɛlɔ wa dambo sɔ dia lo nyuma! Oko ase Isariyɛlɛ l’Akristo wa ntondo, tatotshɔke anya hwe.—2 Kor. 8:12; Eoh. 16:16, 17.
LUSHIAHOLEETSHIMBEDI WAKELAMƐ
28-30 Lotena eduwa Kinshasa (F) KIN-4, KIN-7, KIN-10
04-06 Loseketanya Kinshasa (LI) KIN-1, KIN-2, KIN-3, KIN-5, KIN-6, KIN-8, KIN-9, KIN-11, BZ-3, BZ-4, BZ-6
11-13 Bukavu KI-1, KI-8, KI-11, KI-12
Kananga KA-1, KA-14, KA-19
Mwene-Ditu KA-3, KA-9, KA-17, KA-24
Ilebo KA-10, KA-15, KA-21
18-20 Mbuji-Mayi KA-2, KA-5, KA-8, KA-13, KA-16, KA-20, KA-25
Bujumbura/Uvira BU-1, BU-2, BU-3
Brazzaville CO-1, CO-5, etenyi CO-7
Goma KI-2, KI-6
25-27 Kikwit B-2, B-5, B-8, B-11, B-12, B-16, B-17, B-18, B-19, B-20
Lubumbashi S-1, S-2, S-13, S-17, S-20 Ouesso CO-3, CO-4, etenyi CO-7
Kindu KI-3, etenyi HZ-9
01-03 Lovula Kenge B-3, B-7, B-9, B-13
Pointe-Noire CO-2, CO-6
Bandundu B-1, B-10
Butembo KI-5, KI-7, KI-9, KI-10
08-10 Bunia HZ-4, HZ-12
Matadi BZ-1, BZ-2, BZ-5, BZ-7
Lodja KA-4, KA-7, KA-11, KA-12, KA-26
Kolwezi S-3, etenyi S-5, etenyi S-15
15-17 Kamina S-4, S-6, S-7, etenyi S-15
Tshikapa KA-6, KA-18, KA-22, KA-23
Bumba E-4, E-8, E-11, E-12, E-15, E-20, E-21, E-22, HZ-3, etenyi HZ-8, HZ-10, HZ-15
Nioki B-4, B-6, B-14, B-15
22-24 Mbandaka E-2, E-7, E-16, E-17, E-23, E-24
Boende E-3, E-6, E-10, E-13
Gemena E-1, E-14, E-18
Lovula 29-Kɔlɛkɔlɛ 1 Gbadolite E-5, E-9, E-19
Isiro HZ-2, HZ-6, HZ-11, HZ-13
Kisangani HZ-1, HZ-5, HZ-7, HZ-14, etenyi HZ-8, etenyi HZ-9
Kɔlɛkɔlɛ 06-08 Moba S-11, S-12, S-19, etenyi S-18
Sandoa etenyi S-5, S-21
Mulongo S-8, S-9, S-10, S-14, S-16
Kongolo KI-4, etenyi S-18
[Caption on page 6]
[Dates et Lieux des Assemblées]
SANGANYA YA DISTRIKƐ 1995