Tokambe Olimu Wolo la Biukubuku y’Oyoyo
1 Taki l’ɔngɛnɔngɛnɔ efula lo losanganya laso la distrikɛ la komelo dia kondja biukubuku Quand la mort frappe un être aimé. Yɔ pombaka kotola yambalo y’anto a weoho tshɛ nɛ dia efula wekɔ la kandji dia mvusha onto ɔmɔtshi l’ohomba efula. Fɔtɔ yele lɔkɔ l’asango w’amɛna ayotokimanyiya dia ndjitshikɛ anto aha l’okakatanu. Sango dia mamba diɛnya eolwelo ka Lazaro oma l’edo mɛnyaka ‘posa ka wolo kele la Yeso ka nɔngɔsɔla kɔlɔ tshɛ yakatombe oma lo nyɔi.’ Nɛ diokokane la lɛkɛ l’otondo la dikatshi dioyedi mɛnyaka woho wayonga ɔngɛnɔngɛnɔ wa eolwelo l’andja w’oyoyo. Diɔ diayohɛtshahɛtsha asolo w’anto wele la lɔkɔnyɔ!
2 Biukubuku shɔ yayotokimanyiya efula dia keketsha anto wele l’otanda. Yɔ yakasalema dikambo dia kɛtshanya. Wembola wakokama dia mɛnya nɛmɔ dia tokanyi t’ohomba tanemaka lo kiombokiombo mɔtshi l’ekomelo k’etenyi l’etenyi lo dihole dia vɔ ndjâla l’ɛse ka lɛkɛ la dikatshi. Sho mbeyaka kamba olimu la “Wembola ɛsɔ wa kana lomba” lo yoho yayotɛna ɔnɛ ekɔ ohomba efula le onto leka laso Bible.
3 Lam’asalaso waendelo w’eyoyo, tɔsɔnɛ dia sɛdingola tokanyi totumbi oma lo biukubuku. Ondo tayɛna dia sunganaka mɛnya ɔtɛkɛtshi aso ɛtɛ w’awui wofundami lo lɛkɛ 2 ndo mombola dia nde sɔna ɔtɛ a dui wakotola yambalo yande. Todje yimba l’ehomba w’onto l’onto. Totshike onto akɔ dihole dia nde tɛkɛta tokanyi tande, l’ɔkɔngɔ towɛnya ekeketshelo kasha biukubuku yakɔ. Avɛsa efula wakeketsha elongamelo kaso tanemaka l’etenyi l’etenyi.
4 Ɔtɛ a dui woyedi wele lo lɛkɛ 5, “Y a-t-il une espérance véritable?” wekɔ lo mbika epole ɔsɛkɛ lo daka di’endana la wanɛ wakavu, daka diasha ekeketshelo ndo diele l’etshina kadiɔ lo Bible. Dikambo sɔ diayolomialomia saki ka sɛdingola etenyi “Un espoir solide pour les morts”, lɛkɛ 26 polo 31. Avɛsa akina “Textes qui réconfortent”, tanemaka lo kiombokiombo yele lo lɛkɛ 27. Onto lele l’otanda ayɛna mbala kakɔ ɔtɔi ɔnɛ Jehowa mɛtɛ ekɔ “Nzambi k’esambelo tshɛ.”—2 Kor. 1:3-7, NW.
5 Tenyi dia l’atei atei diekɔ lo tɛkɛta, la kɔmi, dikambo di’ekashimwelo wotshikitanyi watotombaka lo nyɔi k’onto ɔmɔtshi lalangema. Diɔ mɛnyaka woho wokoki onto ntokomɛ lonyangu lande ndo ekimanyielo kokoki anto akina mbela lo tena dia kandji dia ngasɔ. Ɔtɛ a dui wa kiombokombo yele lo lɛkɛ 25 ko: “Aidons les enfants à faire face à la mort.” Mɛtɛ yɔ yayokimanyiya ambutshi wahomba ntokomɛ okakatanu ɔsɔ.
6 Toyaombe biukubuku mɔtshi dia sho ndjinandaka shoamɛ, ndo tokambe layɔ olimu l’esambishelo ka tshakitudi. Ondo ndo sho tayolanga mbeteta l’ahole tshɛ watowoshimbɛka edo lo mbilo kaso dia tosha anto watanema lɛkɔ abuku amɔtshi dia keketsha nkumbo yele l’otanda. Sho mbeyaka tɛkɛta kânga l’anto wele l’otanda, la kɔmi tshɛ, la waombo lam’atshɔwɔ dia tenda diombo di’onto ɔmɔtshi lalangawɔ.
7 Tekɔ l’ɔngɛnɔngɛnɔ dia Jehowa ekɔ Nzambi “katosambaka wanɛ wambokitshakitshama.” (2 Kor. 7:6, NW) Sho mɛnaka di’ekɔ oko diɛsɛ dia “nsamba antu tshe walela.”—Is. 61:2.